भक्तपुर । भक्तपुरको कौशलटार स्थित भक्तपुर ईन्टरनेश्नल अस्पतालको लापरवाहीलका कारण दुई जना कोरोना संक्रमितले ज्यान गुमाउनु परेको छ ।
अस्पतालको लापरवाहीले सयमै अक्सिजन ल्याउन नसकिन्दा आइसियुमा उपचारत दुई संक्रमितले ज्यान गुमाउनु परेको हो । भक्तपुर कमलविनायकका ४५ बर्षिय पुरुष र पोखरा का ६० बर्षिय पुरुषले अस्पतालमा अक्सिजन अभाव हुँदा ज्यान गुमाउनु परेको मृतकका आफन्तको भनाई छ ।
मृतकका आफन्तहरु अस्पतालको चरम लापरवाहिका कारण मृत्यु भएको भन्दै जिल्ला प्रशासन कार्यलयमा पुगेका छन । अहिले मृतकका आफन्त र अस्पताल प्रशासन विच जिल्ला प्रशासन कार्यलयमा वार्ता भइरहेको भक्तपुर नरपालिका वडा नम्वर ९ का वडाध्यक्ष रविन्द्र ज्याख्वले जानकारी दिए ।
अस्पतालमा अक्सिजनको अभाव भएको भन्दै विहिवार मध्ये राती १४ जना कोरोना संक्रमितलाई अन्य अस्पतालमा लैजान भनेका थिए । उनीहरु मध्ये भक्तपुर कमलविनायकका ४५ बर्षिय पुरुषको अस्पतालको आइसियू कक्षमै अक्सिजन अभावमा मृत्यु भएको थियो भने अर्का एक ६० बर्षिय पुरुषको अल्का अस्पताल लैजादै गर्दा मृत्यु भएको अस्पताल प्रशासनले जनाएको छ ।
अस्पतालले अक्सिजन लिने गरेको नवज्योती प्लान बन्द भएपछि सघन उपचार कक्ष आईसियुमा उपचारत १० जना र अन्य अक्सिजन दिनुपर्ने ४ जना कोरोना संक्रमितलाई तत्कालै अन्य अस्पतालमा लैजना आफन्तलाई आग्रह गरिए अनुसारनै उनीहरु गएको अस्पताल प्रशासन प्रमुख रामजी श्रेष्ठको भनाई छ ।
मृतकका आफन्त मध्ये एक सुरेश ह्योङगजुले भने अस्पतालको चमर लापरवाहीले संक्रमितको मृत्यु भएको आरोप लगाएका छन । समयमै अक्सिजन सकिएको जनाकारी नगराउदाँ धेरै जसो संक्रमितहरु मध्ये रातमा अलपत्र पारि अस्पतालवाट निकालिएको र दुई जना संक्रमितको समेत मृत्यु भएको आफन्तहरुको भनाई छ ।
मृतकका आफन्तहरु भने मृतकका परिवार लाई क्षतिपुर्ति दिलाउन भन्दै जिल्ला प्रशासन कार्यलय पुगेका थिए । १५ शयाको स्विकृत प्राप्त अस्पतालमा विहिवार २८ जना संक्रमित अस्पतालमा उपचारत थिए । अन्य अस्पताल पठाएका संक्रमित मध्ये दुई जना संक्रमित भने सोहि अस्पतालमा फर्किएका थिए । भक्तपुर हाल सम्म १४३ जनाको कोरोना संक्रमणको कारण ज्यान गुमाउनु परेको छ ।
प्रकाशित मितिः २०७८ बैशाख २४ शुक्रबार
Comments