काठमाडौं । भारतमा दूध बैंकको व्यवस्था गरिएको छ । दूध बैंकले त्यस्ता बच्चालाई आमाको दूध उपलब्ध गराउँछ जसका आमा शारीरिक रूपमा असक्षम भएर स्तनपान गर्न असर्मथ छन् ।
धेरै महिलाले विभिन्न रोगका कारण बच्चा जन्मेपछि स्तनपान गराउन सक्दैनन् । यस्तो अवस्थामा नवजात शिशु स्तनपातबाट वञ्चित हुने गर्छन् ।
सबै नवजात शिशुलाई आमाको दूध उपलब्ध गराउन विशेष दूध बैंक खोलिएको हो । भारतमा केन्द्रीय सरकारले यस्तो बैंक बनाउन सहयोग र सुविधा प्रदान गरेको छ ।
दूध बैंकले दूध नभएका शिशुलाई आमाको दूध उपलब्ध गराउँछ। यो ब्लड बैंक जस्तै हो । आवश्यकता अनुसार बच्चाहरुलाई यो बैंकले दूध वितरण गर्दै आएको छ । यी दूध बैंकहरुमा महिलाहरुले दूध दान गर्न सक्दछन् । वैज्ञानिक प्रक्रिया अपनाएर, उक्त दूध लामो समयसम्म स्वस्थ सुरक्षित राखिन्छ । एजेन्सी
प्रकाशित मितिः २०७६ माघ २६ आइतबार
Comments