काठमाडौं । कोरोना भाईरसको संक्रमणले सारा विश्व नै उपचार पत्ता नलागेर डराईरहेको बेला थाईल्याण्डका डाक्टरले एउटा औषधी तयार गरेका छन् । अहिले सम्म कोरोना भाईरसको संक्रमणबाट ३ सय ६२ जनाको ज्यान गईसकेको छ भने १७ हजार ३ सय ८७ जनामा यसको लक्षण देखा परेको अन्तर्राष्ट्रिय सञ्चारमाध्यामहले जनाएका छन् ।
थाईल्याण्डका डाक्टरले उक्त औषधीबाट ४८ घण्टा भित्रमा कोरोना भाईरस ठीक हुने दाबी गरेका छन् । थाईल्याण्डका डाक्टर क्रिएनसक अतिपर्नवानिचले यो औषधीको बारेमा जानकाकारी दिएका छन् । उनले यो औषधीको डोजले एक ७१ वर्षीया मरिज नामकी महिलालाई दिएका थिए । कोरोना भाईरसबाले संक्रमित ति महिला औषधी खाएको ४८ घण्टा पछि ठीक भएकी छिन् ।
४८ घण्टाको समयमा उनको स्वास्थ्य ९० प्रतिशत ठीक भएको छ । उनको उपचार सफल भएवपछि डाक्टरले अब कोरोना भाईरसबाट छिटै नै छुट्करा मिल्ने बताउका छन् । डाक्टर क्रिएनसाक अतिपार्नले कोरोनाबाट बँच्नको लागि एन्टी फ्लु ड्रग ओसेल्टामिविरलाई लोपिनाविर र रिटोनाविरसँग मिलाएर नयाँ औषधी तयार गरिएको बताएका छन् ।
यो औषधीलाई परिक्षण गर्दा सकारात्मक रिजल्ट आएके बताएका छन् । एन्टी फ्लु ड्रग ओसेल्टामिविर एचआईभीहरुको उपचारमा प्रयोग गरिन्छ ।
के हो कोरोना भाइरस ?
जनावर तथा चराचुरुङ्गीहरुमा हुने यो भाइरसले विभिन्न जनावरमा भिन्न किसिमका रोगहरु निम्त्याउँछ : गाई तथा सुँगुरमा झाडापखाला, कुखुरामा श्वासप्रश्वास सम्बन्धि आदि ।
क्राउनजस्तो अर्थात् शिरमा लगाउने ताज जस्तो देखिने भएकाले यसको नाम ‘कोरोना’ भाइरस रहन गएको बताइन्छ । ऊँट, चमेरा, आदिजस्ता जनावरमा मात्रै पाइने यो भाइरस खासमा मानव शरीरमा सर्ने खालको होइन तर, यसको एउटा खास विशेषता हुन्छ जस अन्तर्गत यसले आफ्नो ‘जीन’ मा परिवर्तन ल्याउँछ (यसको म्युटेसन हुन्छ) र जनावरबाट मानिसमा र मानिसबाट अन्य मानिसमा फैलिँदै जान्छ ।
सामान्यतः यो एउटा साधारण भाइरस हो तर, यसका केही प्रकारहरु निकै घातक हुन्छन् । जसले विशेष गरी श्वासप्रश्वाससँग सम्बन्धित अंगहरुमा असर पु९याउँछ । रुघाखोकी यसको सामान्य असर अन्तर्गत पर्दछ भने यसले मिडल इस्ट रेस्पिरेटरी सिन्ड्रम र सिभियर एक्युट रेस्पिरेटरी सिन्ड्रमजस्ता श्वासप्रश्वास सम्बन्धित प्राणघातक रोग निम्त्याउन पनि सक्छ ।
कहाँबाट, कसरी फैलियो महामारी ?
अहिले चीनमा फैलिएको महामारी निम्त्याउने ‘नोबेल कोरोना भाइरस’ चीनको वुहान शहरबाट शुरु भएको हो । शाङ्घाइबाट करिब ५ सय माइल दक्षिणमा अवस्थित यस शहरमा करिब ११ मिलियन मानिसहरुको बसोबास छ ।
‘व्यापारिक हब’का रुपमा स्थापित वुहानको एक जनावर बजारबाट यो भाइरस फैलिएको भन्ने अनुमान गरिएको छ । अहिले उक्त बजार बन्द गरिएको छ । भाइरस ‘सी फुड’बाट फैलिएको भन्ने आशंका पनि गरिएको छ ।
कोरोना भाइरस सर्वप्रथम सन् १९६० को दशकमा कुखुरामा पाइएको थियो ।
कसरी हुन्छ संक्रमण ?
चिकित्सकहरुका अनुसार यो भाइरस अत्याधिक संक्रामक छ । भाइरसबाट संक्रमित व्यक्तिको सिंगान, खकार, थुक आदिजस्ता शरीरका तरल पदार्थबाट यो भाइरस सर्ने चिकित्सकले बताएका छन् । संक्रमित व्यक्तिले हाछिउँ गर्दा, खोक्दा, थुक्दा यो भाइरस हावामा मिसिने र बिरामीको सम्पर्कमा भएका व्यक्तिहरुमा श्वासप्रश्वासको माध्यमबाट सर्ने हुन्छ ।
विशेष गरी यी गतिविधिबाट कोरोना भाइरसको संक्रमण हुनसक्छः
-हावाको माध्यमबाट
-प्रत्यक्ष सम्पर्क (हात मिलाउने) अंकमाल गर्ने, छुने आदि
-भाइरस भएका वस्तु छोएर आफ्नो आँखा, नाक, मुख छुँदा
कसरी बच्ने ?
शुक्रराज ट्रपिकल तथा सरुवारोग अस्पताल टेकुका प्रवक्ता डा अनुप बास्तोलाले मौसमी रुघा खोकी र कोरोना भाइरसबाट बच्ने उपाय एउटै भएको बताए।
हातलाई साबुन–पानीले धुने वा हातमा अल्कोहलजन्य सेनिटाइजर दलौं
खोक्दा नाक र मुख हात, टिस्यु पेपर वा कुहिनोले छोपौं
चिसो लागेको वा रुघाखोकीको लक्षण भएकाहरूको निकट सम्पर्कबाट बचौं
मासु र अण्डालाई पकाएर खाऔं
जंगली वा पालिएको जनावरसँग असुरक्षित सम्पर्कबाट बचौं
कति खेर धुने हात ?
खोक्दा वा हाच्छिउँपछि
बिरामी व्यक्तिको स्याहार गरेपछि
चर्पी प्रयोग गरेपछि
हात फोहोर देखिएपछि
बाहिरबाट घर आएपछि
जनावर वा जनावरको फोहोर छोएपछि ।
प्रकाशित मितिः २०७६ माघ २० सोमबार
Comments