काठमाडौं । जापानका विदेशमन्त्री योको कामीकावाले श्रीलङ्कालाई आफ्नो विदेशी ऋणमा पुर्नसंरचना गर्न आग्रह गरेका छन् ।
श्रीलङ्काली समकक्षी अली साब्रीसँगको वार्तापछि जापानी विदेशमन्त्री कामीकावाले श्रीलङ्काको सबैभन्दा ठूलो द्विपक्षीय ऋणदाता चीनसहित सबैसँग पुर्नसंरचना सम्झौतामा पुग्नुपर्नेमा जोड दिए । उनले श्रीलङ्काको आर्थिक सुधार हिन्द–प्रशान्त क्षेत्रको स्थिरताका लागि आवश्यक भएकोमा पनि जोड दिएको छ ।
‘हिन्द महासागरमा रणनीतिक स्थानमा रहेको श्रीलङ्काको स्थिरता र आर्थिक विकासको पुनर्संरचना सम्पूर्ण हिन्द–प्रशान्त क्षेत्रको स्थिरता र समृद्धिका लागि आवश्यक छ’, उनले भने । जापानले श्रीलङ्काको आर्थिक सुधारलाई भरपुर सहयोग गर्ने उनको प्रतिवद्धता छ ।
खराब आर्थिक अवस्थाकै कारण तत्कालीन राष्ट्रपति गोटबाया राजपाक्षे महिनौँको विरोधपछि सन् २०२२ जुलाईमा देश छोड्न र राजीनामा दिन बाध्य भएको थियो ।
प्रकाशित मितिः २०८१ बैशाख २३ आइतबार
Comments