काठमाडौं । इजरायल र हमासबीच जारी युद्धको आज चौथो दिन हो । टाइम्स अफ इजरायलका अनुसार इजरायली सेनाले गाजाको सिमानामा कब्जा गरेको घोषणा गरेको छ । सेनाले गाजाका २०० स्थानलाई रातभर निशाना बनाएको र अहिलेसम्म १५०० हमास लडाकू मारिएको बताएको छ । युद्धमा हालसम्म १२३ इजरायली सैनिकको मृत्यु भइसकेको छ ।
अर्कोतर्फ हमासको आक्रमणमा हालसम्म थाइल्याण्डका १८ नागरिकको मृत्यु भइसकेको छ । सोमबार इजरायलका रक्षामन्त्रीले सम्पूर्ण गाजा पट्टी कब्जा गर्न आदेश दिएका थिए । यसपछि इजरायलले गाजामा रातभर हमला गरेको थियो । जवाफमा हमासले इजरायलले कब्जामा लिएका करिब १५० बन्धकहरूलाई मार्ने धम्की दिएको छ।
युद्धको बीचमा इजरायली प्रधानमन्त्री बेन्जामिन नेतान्याहुले हमासले हामीमाथि हमला गरेर सबैभन्दा ठूलो गल्ती गरेको बताएका छन् । हमास र इजरायलका अन्य शत्रुहरूका पुस्ताहरूले दशकौंसम्म सम्झने मूल्य निर्धारण गर्नेछौं।
प्रधानमन्त्री नेतन्याहुले भने, ‘हामी युद्ध चाहँदैनौं । यो धेरै निर्दयी ढंगले हामीमाथि थोपियो। हामीले युद्ध सुरु नगरेको हुन सक्छ, तर हामी यसलाई अन्त्य गर्नेछौं। इजरायल आफ्नो जनताको लागि मात्र होइन, बर्बरताको विरुद्धमा उभिएको हरेक देशका लागि लडिरहेको छ।’
अक्टोबर ७ बाट सुरु भएको यो युद्धमा हालसम्म १ हजार ५ सय ८७ जनाको ज्यान गएको छ । इजरायलमा ९०० जनाको मृत्यु भएको छ भने २ हजार ३०० जना घाइते भएका छन् । योसँगै गाजा पट्टीमा १४० बालबालिकासहित ६८७ प्यालेस्टिनी मारिएका छन् । र ३,७२६ जना घाइते भएका छन् । यसबाहेक इजरायली सेनाले आफ्नो क्षेत्रमा १५ सय हमास लडाकुलाई मारेको छ ।
प्रकाशित मितिः २०८० असोज २३ सोमबार
Comments