काठमाडौं । पाकिस्तानका पूर्वप्रधानमन्त्री इमरान खानको घरमा प्रहरी पक्राउ पुर्जी लिएर पुगेको छ । इस्लामावाद पुलिस आइतवार तोशाखाना मुद्दामा गिरफ्तारी वारेन्टको साथ पीटीआई अध्यक्ष इमरान खानको जमान पार्कस्थित निवासमा पुगेको हो ।
अतिरिक्त सत्र न्यायाधीश जफर इकबालले फेब्रुअरी २८ मा पूर्वप्रधानमन्त्रीलाई संघीय राजधानीमा गैर जमानती पक्राउ पुर्जी जारी गरेका थिए।
जियो न्यूजका अनुसार इस्लामावाद पुलिस पीटीआई प्रमुखलाई पक्राउ गर्न लाहोरमा छ। स्रोतका अनुसार खानलाई सबै कानुनी मापदण्ड पूरा गरेपछि पक्राउ गर्न सकिन्छ ।
गिरफ्तारीको खबरमा प्रतिक्रिया दिँदै, पीटीआई वरिष्ठ उपाध्यक्ष फवाद चौधरीले चेतावनी दिए कि सरकारले पूर्व प्रधानमन्त्री विरुद्ध कारबाही गरे देशको अवस्था बिग्रनेछ।
प्रकाशित मितिः २०७९ फागुन २१ आइतबार
Comments