भक्तपुर । कतारमा जारी फिफा विश्वकप फुटबल २०२२ को रमाइलो लिनका लागि विश्वभरीका फुटबलप्रेमीहरु अहिले कतार पुगेका छन् । यद्यपि, कतारमा जारी गरिएका विभिन्न किसिमका प्रतिवन्धले भने विश्वकप फुटबलको रमाइलो नै फिक्का भएको छ ।
विश्वकप फुटबलका खेलहरु खेलिने स्टेडियम भित्र अल्कोहल पूर्ण रुपले प्रतिवन्ध छ । जसले गर्दा खेलका प्रशंसकले यति बेला बीयरलाई अत्यधिक सम्झिरहेका छन् । अर्कोतिर कतारमै फिफाद्वारा निर्धारित फ्यान फेस्टिभलमा बीयर किन्नका लागि लामो लाइन लागेको छ भने बीयरको मूल्यले आकाश छुन लागेको छ ।
फिफा र बडवाइजर बीयरको सम्बन्ध निकै पुरानो छ । दुबैबीच सन् १९८० को दशकदेखि नै एउटा सम्झौता भएको छ । उक्त सम्झौताअनुसार कतारमा जारी विश्वकपमा केवल बडवाइजर बीयर मात्र उपलब्ध छ ।
डेली स्टारको एउटा रिपोर्टका अनुसार एउटा बीयरलाई १२ पाउन्ड (झण्डै १९ सय रुपैयाँ) मूल्य चुकाउनु पर्छ । बीयरको बिक्री स्टेडियम प्रवेश गर्नुभन्दा केही मिनेट अगाडि प्रारम्भ हुन्छ । जसका कारण बीयर किन्नका लागि खेलप्रेमीहरुको घुईँचो र भिडभाड हुनु स्वभाविक नै हो ।
आगामी आगामी पुस ३ (डिसेम्बर १८) गते हुने विश्वकप फुटबल २०२२ को फाइनल खेल हुने रात दोहास्थित होटल रोयल मेरिडियनमा विशेष व्यवस्था गरिएको छ । डीजे जेजी जेफले त्यहाँ प्रस्तुति दिँदैछन्, जसलाई हेर्नका लागि १५ जना पाहुनाले १२, १२१ पाउण्ड (करिब १९ लाख रुपैयाँ) तिर्नु पर्नेछ । त्यो दिनको बीयरको मूल्य नै २६ हजार पाउण्ड हुने बताइएको छ ।
प्रकाशित मितिः २०७९ मंसिर ०८ बिहिबार
Comments