काठमाडौं । नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल ‘प्रचण्ड’ जनता समाजवादी पार्टी (जसपा) लाई उपराष्ट्रपति दिन सकारात्मक देखिएका छन् ।
बिहीबार सिंहदरबारमा भएको माओवादी केन्द्रसँगको भेटवार्तापछि पत्रकारसँग कुरा गर्दै जसपाका अध्यक्ष उपेन्द्र यादवले प्रधानमन्त्री प्रचण्ड जसपालाई उपराष्ट्रपति दिने विषयमा सकारात्मक रहेको बताएका हुन् । जसपालाई उपराष्ट्रपति दिन प्रचण्ड सकारात्मक देखिए पनि यस विषयमा अन्तिम टुंगो भने लागेन ।
बैठक चलिरहेकै अवस्थामा मन्त्रिपरिषद बैठकमा सहभागी हुनुपर्ने भएपछि प्रधानमन्त्री प्रचण्ड मन्त्रिपरिषद बैठकमा सहभागी हुन गएका छन् । मन्त्रिपरिषद बैठकपछि पुनः तीन दलको बैठक बस्ने पनि अध्यक्ष यादवले जानकारी दिए ।
अब, एमाले–माओवादीको सत्तागठबन्धन टुट्न लागेको हो भन्ने प्रश्नमा अध्यक्ष यादवले त्यस विषयमा टुंगो नलागेको पनि बताए । उनका अुनसार सरकार साझेदार दलहरुले लाइन क्लियर नभएसम्म नयाँ पुरानो गठबन्धनको के अर्थ हुन्छ र ?
प्रकाशित मितिः २०७९ फागुन ११ बिहिबार
Comments