काठमाडौं । बलिउड अभिनेता अर्जुन कपूर र अभिनेत्री मलाइका अरोडा सार्वजनिक रुपमा आफ्नो सम्बन्धमा बारे केही नबोले पनि सामाजिक सञ्जालमा भने उनीहरु एकअर्काको प्रेम प्रदर्शन गरिरहन्छन् । तर दुवैको जोडीलाई मन पराउने फ्यानहरुका लागि एउटा नराम्रो खबर सार्वजनिक भएको छ । रिपोर्टका अनुसार अहिले अर्जुन र मलाइकाबीच झगडा भएको छ जसकारण मलाइका अर्जुनप्रति निरास बनेकी छन् ।
हालैका दिनमा महाराष्ट्रमा फिलम हल खुलेपछि फिल्मको काम तिब्र रुपले अघि बढिरहेको छ । विगत केही महिनादेखि सुस्त गतिमा रहेका काम अहिले द्रुत गतिमा सम्पन्न भइरहेका छन् । अर्जुन कपुरले हालै मोहित सुरीको फिल्म ‘एक भिलेन रिटर्न्स’ को सुटिङ पूरा गरेका छन् ।
यो फिल्मको काम सकिएपनि अर्जुनलाई फुसर्द मिलेको छैन । उनी कैयौं प्रोजेक्टको सुटिङमा व्यस्त छन् । जसकारण उनी क्रिसमस र नयाँवर्षमा पनि व्यस्त नै हुनेछन् । यस्तो अवस्थामा उनले मलाइकासँग नयाँवर्षको खुशी साट्न पाउनेछैनन् ।
गत दिवालीको अवसरमा अर्जुन र मलाइकाले सँगै रमाइलो गरेका थिए । मलाइका क्रिसमस र नयाँ वर्षको खुशियाली अर्जुनका साथ मनाउन चाहन्छिन् । तर व्यस्त समय तालिकाले अर्जुनले मलाइकालाई समय दिन नपाउने भएका छन् ।
अर्जुनले समय दिन नपाउने निर्णय लिएपछि मलाइका अर्जुनसँग रिसाएकी छन् । अभिनेता सलमान खानका भाई अरबाज खानसँग १९ वर्षको वैवाहिक सम्बन्धलाई तोडेपछि मलाइकाले सन् २०१७ देखि अर्जुनसँग डेट गरिरहेकी छन् । एजेन्सी
प्रकाशित मितिः २०७८ मंसिर १३ सोमबार
Comments