भक्तपुर ४ साउन । स्थानीय सरकारले मनपरी कर असुली गर्दा भक्तपुरमा जारको पानीको हाहाकार बढेको छ । चाँगुनारायण नगरपालिकाले झौखेल क्षेत्रबाट उत्पादन हुने पानीमा पटके कर लिन थालेपछि ब्यवासायीले पानी बजारमा नपठाउँदा जारको पानीको हाहाकार भएको हो । नगरपालिकाले साउन १ गते देखि लागू हुने गरि प्रति लिटर पानीमा १० पैंसा र प्रति जार एक रुपैयाँ कर बृद्धि गरेपछि ब्यवसायीहरुले जार र बोलटलको पानी बजारमा नपठाएको पानी ब्यवासायी संगठनका संयोजक राम सुवालले भक्तपुरन्युज डटकमलाई जानकारी दिए । उनले पानी जस्तो अत्यावश्यक बस्तुमा चाँगु नगरपालिकाले दोहोर कर लगाएर उपभोक्ता ठग्ने काम गरेको बताए ।
बार्षिक रुपमा तिदैै आएको करलाई बृद्धि गर्न आग्रह गर्दा पनि नपाले मनोमानी रुपमा पटके कर असुल गरि आफ्नो दादागिरि देखाउँनु गलत भएको बताए । उनले भने गर्मीको समया पानीको हाहाकार भएका बेला यसरी नपाको गलत निर्णको पिल्साईमा ब्यवसायी भन्दा पनि आम उपभोक्ता परिरहेको तर्फ नपाको ध्यान जान नसक्नु र निश्चित ब्यक्तिको हितमा उक्त पटके कर लिनु गलत भएको बताए ।
यता चाँगु नपाका उपप्रमुख बिना बास्तोला कर तोक्नु स्थानीय सरकारको अधिकार रहेको बताउँछिन् । नपा भित्र ब्यवासाय गरे बापत प्रत्येक ब्यवासायीले कर तिर्नु दायित्व भएको उनी बताउँछिन् । यसरी पानीको पटके कर उठाउनका लागि ८० लाख रुपैयाँमा ठेक्का दिईएको बताईन् ।
उनी भन्छिन् यसरी पानीको कर उठाउन गरिएको टेन्डर आह्रावन गर्दा अन्दोलनरत पानी ब्यवसायीहरुले टेन्डरको माग फार्म भरेको र आफूलाई टेन्डर नपरेपछि सो को बिरोध गर्दै ब्यवासायी अन्दोलीत भएका हुन् । उनले चाँगु नपमा २ बर्ष भित्र हरेक घरमा पानी पुराउने लक्षय सहित चाँगुको पानीमा कर लगाएको बताईन् ।
पानी ब्यवसायीको अन्दोलनको कारण बजारमा जारको पानीमा कालो बजारी मौलाएको छ । ब्यापारीहरुले यही मौका छोपेर प्रति जार ८० रुपैयाँ सम्म असुल्न थालेका छन् ।
Comments