लक्षण देखिने भन्दा नदेखिने कोरोना संक्रमणले लिभरलाई डबल खतरा

काठमाडौं । कोरोना भाइरसको खतरा अहिले पनि यथावत नै छ । कोरोनाको चपेटामा परेपछि शरीरका विभिन्न अंगहरुका लागि यो घातक प्रमाणित भएको छ ।

धेरै विरामी मुटु, मधुमेह र ब्लड प्रेशरको चपेटामा आएका छन् । यदि तपाईंले कोरोनाको दुवै डोज लगाइसक्नु भएको छ भने पनि संक्रमित हुन सक्नुहुन्छ । त्यसैले सावधान हुन आवश्यक छ ।

कोभिडको चपेटामा परेका विरामी लिभरको समस्याको सामना गरिरहेका छन् भन्ने कुरा भखर्रै भएको सर्वेक्षणबाट थाहा भएको छ ।

यद्यपि, कोरोनाको सबैभन्दा पहिलो आक्रमण फोक्सोमा गर्छ । तर, अमेरिकाको यूनिभर्सिटी अफ टनेन्सीद्वारा गरिएको सर्वेक्षणमा एउटा ठूलो खुलासा भएको छ ।

उक्त सर्वेक्षण अनुसार ११ प्रतिशत विरामी लिभर सम्बन्धि समस्या रहेको थाहा भएको छ । डाक्टरका अनुसार कोरोनाविरुद्ध विकसित गरिएको खोपले पनि लिभरको समस्यामा प्रभावकारी नभएको प्रमाणित भएको छ ।

लिभरमा कोरोनाको प्रभाव

सर्वेक्षणका अनुसार कोभिडले लिभरमा आवश्यक एन्जाइमको मात्रा बढाइदिन्छ । उक्त इन्जाइमको नाम एलेनिन एमिनोट्रान्स्फरेज र एस्परटेट एमिनोट्रान्स्फरेज हो । सर्वेक्षणका अनुसार कोभिडको कारणले १५ देखि ५३ प्रतिशत विरामीमा इन्जाइमको मात्रा धेरै पाइन्छ । जसले गर्दा लिभर सधैंका लागि खराब भएको मानिन्छ । कुनै पनि भेरियन्टले लिभरमा नकारात्मक असर पार्छ भन्ने कुरा सर्वेक्षणमा थाहा भएको छ । जसका कारण लिभरले विस्तारै काम गर्छ । यसको साथै कोभिडको उपचारको क्रममा दिइने औषधिको असर पनि लिभरमा पर्छ ।

वास्तवमा कोभिडले हाम्रो प्रतिरोधक क्षमतामा हमला गर्छ, जसले गर्दा प्रतिरोधक क्षमता कमजोर हुन्छ । कोभिड हुँदा लिभरमा भारी सूजन र जन्डिस हुने खतरा पनि हुन्छ । त्यस्तै पहिलेदेखि नै लिभरको समस्याको सामना गरिरहेका विारमीलाई यसले घातक पनि प्रमाणित हुन सक्छ ।

लक्षण नभएको कोभिडले लिभरमा डबल खतरा

वास्तवमा धेरै मानिसमा कोभिडको कुनै प्रकारको लक्षण थिएन । तर पनि उनीहरु कोभिडबाट संक्रमित हुन्छन् । तर लक्षण नदेखिँदा अर्गनमा प्रभाव पर्छ । यस प्रकारका धेरै संक्रमितहरु भेटिएका छन् । कोरोनाको दोस्रो डोज लगाइसकेका पनि यो तेस्रो लहरमा संक्रमित भइरहेका छन् ।

त्यसैले यसबाट बच्नका लागि आफ्नो खानपानमा पनि विशेष ध्यान दिनु आवश्यक छ । दिनहुँ मौसमी तरकारी, फलफुल सेवन गर्नु पर्छ । दुध, पनीर, नट्स, गेडागुडि बढि मात्रामा सेवन गर्नु पर्छ । यसो गर्नाले रोग प्रतिरोधक क्षमता बलियो हुन्छ । त्यस्तै कम्तिमा ३० मिनेट व्यायाम गर्नु पर्छ, हिड्नु पर्छ । डाक्टरको सल्लाह अनुसार श्वासप्रश्वास सम्बन्धि व्यायाम गर्नु पर्छ । यसो गर्नाले फोक्सोमा सही मात्रामा अक्सीजन पुग्छ । जसका कराण मुटु पनि स्वस्थ्य रहन्छ ।

प्रकाशित मितिः २०७८ माघ ११ मंगलबार

Comments

comments