न्युरो अस्पतालमा तोडफोड

काठमाडौं, ९ माघ । राजधानीको बाँंसबारीस्थित न्युरो अस्पतालमा तोडफोड भएको छ । सडक दुर्घटनामा परी गम्भीर घाइते भएका २७ बर्षीय युनिस नगरकोटीको उपचारको क्रममा मृत्यु भएपछि अस्पतालमा तोडफोड भएको हो ।
अस्पतालको लापरबाहीले बिरामीको मृत्यु भएको भन्दै आक्रोशित भीडले अस्पतालमा तोडफोड र चिकित्सकहरुमाथि आक्रमण गरेका थिए । नगरकोटीको मृत्युको खबर सुनेर अस्पताल पुगेका दर्जनौं व्यक्तिले अन्धाधुन्ध आक्रमण गरेको अस्पताल प्रशासनले जनाएको छ ।
घटनाबाट त्रस्त बनेको अस्पताल प्रशासनले आकस्मिक बाहेकका सबै सेबा बन्द गरेको छ । घटनामा करीव दुई दर्जन व्यक्ति घाइते भएको छन् ।
प्रहरीले तोडफोडमा संलग्नहरुलाई नियन्त्रणमा लिन खोज्दा प्रहरीमाथि समेत आक्रमण भएको थियो । घटनामा संलग्न २३ जनालाई प्रहरीले नियन्त्रणमा लिएको छ ।

Comments

comments