काठमाडौं । ईटालीका लिजेण्ड फाबियो काराभारोले स्पेनिस क्लब रियल मड्रिडलाई केलियन एम्बाप्पकोे आवश्यकता रहेको बताएका छन् । एम्बाप्पेले क्रिस्टियानो रोनाल्डोले पदचाप पछ्याउन सक्ने भन्दै उनले रियललाई फ्रान्सेली स्टारको आवश्यकता रहेको बताएका हुन् ।
रियललाई रोनाल्डोको विकल्प भेट्न गाह्रो भईरहेको छ । उनले स्पेनिस महारथी क्लब सन् २०१८ मा छाड्दै ईटालियन क्लब युभेन्ट्स लागेका थिए ।
काराभारोले रियल मड्रिडबाट दुई पटक स्पेनिस लिग जितेका थिए । उनले रोनाल्डोले जस्तै नतिजा दिने खेलाडी रियलका लागि एम्बाप्पेनै रहेको बताए ।
‘रियललाई एम्बाप्पे जस्ता खेलाडी आवश्यक छ । जसले रोनाल्डोको पदचाप पछ्याउन सक्छ ।’ उनले एक अन्तरवार्तामा भनेका छन् ।
‘रियलले उनलाई अनुबन्ध गर्न खोज्नु सामान्य हो । पीएसजीका मालिकलाई पैसा चाहिएको छैन । उनीहरुको उद्धेश्य च्याम्पियन्स लिग जित्नु रहेको छ ।’ उनले भने ।
‘मलाई लाग्छ, रियललाई एम्बाप्पे पाउन मुस्किल छ । पीएसजीका अध्यक्ष कुनै हालतमा जित्न चाहन्छन् । मैले राम्रोसंग उनलाई चिनेको छु । उनीहरु एम्बाप्पेलाई राख्न हरसम्भव प्रयास गर्नेछन् ।’ उनले थपे ।
आर्सनलका पूर्व प्रशिक्षक उनाई ईम्री समेत पीएसजी स्टार एम्बाप्पेले रियल मड्रिड आउन फ्रान्स छाड्नु पर्ने धारणा राख्छन् । उनका अनुसार विश्व विजेता टिमका सदस्य एम्बाप्पेसंग मड्रिडमा शानदार समय बनाउने प्रतिभा रहेको छ ।
‘पक्कैपनि उनले मड्रिडमा नयाँ समय स्थापित गर्न सक्छन् ।’ आर्सनलका पूर्व प्रशिक्षकले भनेका छन् । ‘निश्चित रुपमा पीएसजीले सबै चिज दिनेछ । सायद केही गर्ने छैन । तर रियल मड्रिडले सक्नेछ ।’ उनले भने ।
एम्बाप्पेले तीन पटक लिग वानको उपाधि जितेका छन् । उनले यस सिजनमात्र सबै प्रतियोगिताका ३३ खेलमा ३० गोल गरेका छन् । कोरोना भाईरसको महामारीका कारण लिग वानको यस सिजनको लिग रद्ध भईसकेको छ । एजेन्सी
प्रकाशित मितिः २०७७ बैशाख ३० मंगलबार
Comments