काठमाडौं । फ्रेन्च क्लव पेरीस सेन्ट जर्मेनले यो समरमा खेलाडी अनुबन्धमा ७६ मिलियन यूरो खर्च गरेको छ । उसले लियोनल मेस्सी, गोलकिपर डोनारुमा, सर्जियो रामोस, जोर्गिनो विज्नाल्डमलाई फ्रि मार्केटबाट अनुबन्ध गर्यो ।
यो पटक खेलाडीलाई अनुबन्ध गर्दा पीएसजीले १६ मिलियन युरो डोनीलो र हाकीमीलाई ६० मिलियन युरो खर्च गरको थियो । तर फाइनान्सियल फेयर प्लेको नियम यतिबेला क्लवको टाउकोमा घुमिरहेको छ ।
तर त्यसलाई ब्यवस्थापन गर्नका लागि पीएसजीले केहि खेलाडीलाई खेलाडी अनुबन्धको विन्डो बन्द हुन अगाडी बाहिर पठाउने प्रयास गरिरहेको छ । उसले हाल टिममा रहेका खेलाडीबाट कम्तिमा ५ जनालाई विक्रि गर्न खोजिरहेको छ । जसमा पहिलो खेलाडी थिलो केरेर छन ।
२४ बर्षे डिफेन्डरलाई क्लवले २५ मिलियन युरो रकम पाएको खण्डमा विक्रि गर्ने योजना बनाएको छ । किनकी पीएसजीको डिफेन्स लाईनमा माक्विनोस, किम्पेम्बे र रामोस एउटै पोजिसनमा रहेका छन ।
यस्तै अर्का खेलाडी हुन, पाब्लो साराबिया । यो समरको खेलाडी ट्रान्सफर विन्डो बन्द हुन अगाडी बाहिर जान सक्ने अर्का खेलाडी हुन । उनको बजार मुल्यपनि २५ मिलियन यूरो नै रहेको छ । ३० बर्षे पाब्लो यूरो २०२० मा स्पेनको पहिलो रोजाईको खेलाडी बनेका थिए ।
यस्तै अर्को खेलाडी हुन, जुलियन ड्राजलेर । उनको बजार भाउ २० मिलियन यूरो रहेको छ ।
पछिल्लो चार बर्षदेखि पीएसजीको टिममा रहेपनि उनी केहिलेपनि पहिलो रोनाईको खेलाडी बन्न सकेनन् । त्यसैले पनि पीएसजीले उनलाई विक्रि गर्ने सूचीमा राखेको छ ।
राफिन्हा र लेभिन कुरजावा, फाइनान्सियल फेयर प्लेबाट बच्नका लागि पीएसजीले यी दुई खेलाडीलाई पनि विक्रिको सूचीमा राखेको छ । जसमा उसले अगष्ट ३१ भन्दा अगाडी यो काम पुरा गर्नुपर्ने हुन्छ । एजेन्सी
प्रकाशित मितिः २०७८ भदौ ०३ बिहिबार
Comments