राजकुमार र श्रद्धाको ‘स्त्री २’ ले अग्रिम टिकट बुकिङबाट कमायो ११ करोड

काठमाडौं । बलिउड अभिनेता राजकुमार राव र अभिनेत्री श्रद्धा कपूर अभिनीत फिल्म ‘स्त्री २’ को अग्रिम टिकट बुकिङ खुला गरिएको छ। भारतीय सञ्चारमाध्यम आजतकका अनुसार यस फिल्मको ३ लाख ८० हजार टिकट बिक्री भएको छ।

जसबाट फिल्मले रिलिजअगावै ११ करोड भारू कमाएको छ। यो फिल्म १५ अगस्टमा रिलिज हुने भनिएको थियो। अब १४ अगस्ट रातिदेखि प्रदर्शन हुँदैछ। त्यसैले अग्रिम टिकट बुकिङमा १४ अगस्टको टिकट सामेल गरिएको छैन।

अग्रिम टिकट बुकिङलाई मध्यनजर गर्दै फिल्मले ३५ करोडबढी कमाउने अनुमान गरिएको छ। अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ।

सन् २०१८ मा प्रदर्शन भएको फिल्ममा श्रद्धाले भूतनीको भूमिका निर्वाह गरेकी थिइन्। यो फिल्मले बक्स अफिसमा सफलता हासिल गरेसँगै दर्शक ‘स्त्री २’ को पर्खाइमा छन्।