नेपालमा निको हुने दर ८१ प्रतिशत

काठमाडौं । नेपालमा पछिल्ला केही दिनयता संक्रमणमा भइरहेको बृद्धिभन्दा निको हुनेको संख्या बढ्दै गएको छ ।

स्वास्थ्य तथा जनसंख्या मन्त्रालयले सार्वजनिक गरेको विवरण अनुसार नेपालमा निको हुने दर ८१ प्रतिशत पुगेको छ ।

पछिल्लो २४ घण्टामा संक्रमण पुष्टि भएका भन्दा १ हजार ५८९ बढी अर्थात ४ हजार ५०० जना निको भएका छन् । योसँगै निको हुनेको संख्या १ लाख ५२ हजार ९०८ पुगेको छ ।

शुक्रबारसम्म नेपालमा कोरोना पुष्टि हुनेको संख्या १ लाख ८८ हजार ८८३ छ भने मृतक संख्या १ हजार ७० पुगेको छ ।

प्रकाशित मितिः २०७७ कार्तिक २२ शनिबार