बागबजारबाट विप्लव समूहका दुई कार्यकर्ता पक्राउ

काठमाडौं । प्रतिबन्धित नेत्रविक्रम चन्द विप्लव समूहका दुई कार्यकर्ता बागबजारबाट पक्राउ परेका छन् । उनीहरुलाई सशस्त्र प्रहरी बलको विशेष ब्यूरोको टोलीले पक्राउ गरेको हो ।

पक्राउ पर्नेमा खोटाङका २८ बर्षीय खेम प्रधान तथा बर्दियाका ३८ टिकाराम चौधरी रहेको पक्राउ गर्ने टोलीका एक अधिकृतले बताए । तीन दिने नेपाल भ्रमणमा रहेका भारतीय स्थल सेनाका सेनाध्यक्ष मनोज मुकुन्द नरावणेको विरोध गर्दै कालो झण्डा देखाउन तयारी गर्दै गर्खा उनीहरु पक्राउ परेका हुन् ।

उनीहरुको साथबाट महत्वपूर्ण कागजात समेत बरामद गरेको छ भने उनीहरुलाई आवश्यक कारबाहीका लागि नेपाल प्रहरीलाई जिम्मा लगाएको ति अधिकारीले बताए ।

प्रकाशित मितिः २०७७ कार्तिक २० बिहिबार