कारको ठक्करबाट एक वृद्धको घटनास्थलमै मृत्यु

राजविराज। पूर्व-पश्चिम राजमार्गअन्तर्गत सप्तरीको बरमझियामा आज बिहान कारको ठक्करबाट एक वृद्धको घटनास्थलमै मृत्यु भएको छ ।

मृत्यु हुनेमा सप्तरीको कंचनरुप नगरपालिका-२ बरमझिया निवासी ७५ वर्षीय तिलक सुरेत रहेको इलाका प्रहरी कार्यालय कंचनपुरका प्रहरी नायव उपरीक्षक नरेशकुमार सिंहले बताए।

पूर्वबाट पश्चिम जाँदै गरेको बा। १८ च ७७३४ नम्बरको कारले बाटो काट्ने क्रममा वृद्धलाई ठक्कर दिएको थियो। ठक्कर दिएर भागेको कारलाई चालकसहित प्रहरी चौकी मोहलीले नियन्त्रणमा लिएको छ।

प्रकाशित मितिः २०७७ कार्तिक १२ बुधबार