टोटेनहमका पूर्व गोलकिपर भोर्मद्वारा सन्यास

काठमाडौं । इंग्लिस क्लब टोटेनहमका पूर्व गोलकिपर मिसेल भोर्मले खेल जीवनबाट सन्यास लिएका छन् । डच गोलकिपर भोर्मले सोमबार ३७ वर्षको उमेरमा सन्यास घोषणा गरेका हुन् । भोर्मले टोटेनहमबाट सन् २०१४ देखि २०१९ सम्म खेलेका थिए ।

उनी स्वान्सी सिटीबाट टोटेनहम आएका थिए । टोटेनहममा दोस्रो रोजाईमा रहेका उनले ४८ खेल खेलेका थिए । भोर्मले नेदरल्यान्ड्सको लागि १५ खेल खेलेका थिए। नेदरल्यान्ड्सबाट उनले दुई विश्वकप खेलेका थिए ।

प्रकाशित मितिः २०७७ कार्तिक ११ मंगलबार