ग्लोबल आईएमई बैंकले १६ प्रतिशत लाभांश दिने

काठमाडौं । ग्लोबल आईएमई बैंकले लाभांश प्रस्ताव गरेको छ । कात्तिक ६ गते बसेको बैंक सञ्चालक समितिको बैठकले आर्थिक वर्ष ०७६र७७ को सञ्चित मुनाफा तथा जनता बैंकलाई मर्ज गर्दा आएको वार्गेन गेनबाट लगानीकर्तालाई वितरण गर्ने लाभांश प्रस्ताव गरेको हो ।

बैंक सञ्चालक सेयरधनीलाई कुल १६ प्रतिशत लाभांश दिने प्रस्ताव गरेको छ । जसमध्ये १४ प्रतिशत बोनस सेयर र कर प्रयोजनका लागि समेत गरी २ प्रतिशत नगद लाभांश वितरण गर्ने प्रस्ताव गरेको छ । बोनस सेयर वितरणपश्चात बैंकको चुक्ता पुँजी २१ अर्ब ६३ करोड रुपैयाँ पुग्नेछ ।

बैंकको प्रस्तावित लाभांश नेपाल राष्ट्र बैंकको स्वीकृति र आगामी साधारणसभाबाट पारित भएपछि लगानीकर्तामा वितरण हुनेछ ।

प्रकाशित मितिः २०७७ कार्तिक ०७ शुक्रबार