संक्रमितको उपचारमा रेम्डिसिभिर प्रयोग गर्न अमेरिकाको पूर्ण स्वीकृति

काठमाडौं । कोरोना संक्रमितको उपचारका लागि एन्टिभाइरल औषधि रेम्डिसिभिरको प्रयोगका लागि अमेरिकाले पूर्ण स्वीकृति दिएको छ ।

विश्व स्वास्थ्य संगठन डब्ल्युएचओले संक्रमितको उपचारमा रेम्डिसिभिरको प्रभावकारिता कम रहेको बताइरहँदा अमेरिकाले भने सोही औषधिको प्रयोगमा पूर्ण स्वीकृति दिएको हो ।

अमेरिकाको फूड एण्ड ड्रग एड्मिनिस्ट्रेसन एफडिएले क्लिनिकल ट्रायलको क्रममा बिरामीको अस्पताल बसाई औषतमा पाँच दिनले कम गराएको पाइएपछि रेम्डिसिभिर प्रयोगमा पूर्ण स्वीकृति दिएको जनाएको बीबीसीले उल्लेख गरेको छ ।कोरोना भाइरसबाट संक्रमित भएका अमेरिकी राष्ट्रपति डोनाल्ड ट्रम्पलाई पनि रेम्डिसिभिरसहितका औषधि दिइएको थियो । एजेन्सी

प्रकाशित मितिः २०७७ कार्तिक ०७ शुक्रबार