देउवाले कोरोना संक्रमितको निःशुल्क उपचार गर्न सरकारलाई आग्रह गरे

काठमाडौं । प्रमुख प्रतिपक्षी दल नेपाली कांग्रेसका सभापति शेरबहादुर देउवाले कोरोना संक्रमितको निःशुल्क उपचार गर्न सरकारलाई आग्रह गरेका छन् ।

कोरोनाको परीक्षण र संक्रमितको उपचार नागरिकले आफ्नै खर्चमा गर्नुपर्ने सरकारले गरेको निर्णय निन्दनीय र लज्जास्पद भएको जनाउँदै उपचारको व्यवस्था गर्न माग गरेका हुन् ।

सभापति देउवाले बिहीबार एक विज्ञप्ति जारी गर्दै यो निर्णयबाट सरकार जनताप्रति संवेदनहीन, गैरजिम्मेवार र कर्तव्य विमुख देखिएको उल्लेख गरेका छन्।

प्रकाशित मितिः २०७७ कार्तिक ०६ बिहिबार