सहयोग जुटाउन लण्डनदेखि काठमाडौंसम्मको म्याराथन

काठमाडौं। बेलायतकी ७३ वर्षीया एक बृद्धा बेलायतबाट दौडिदै नेपाल आउने भएकी छन् । रोजी स्वाले पोप नामकी बृद्धा नेपालमा भूकम्प पीडितका लागि सहयोग जुटाउनका लागि लण्डनदेखि काठमाडौंसम्मको म्याराथन यात्रा तय गरेकी हुन् ।

उनी अहिले टर्की पुगेकी छन् । यो म्याराथनको दूरी ६ हजार माइल हुनेछ ।

यो म्याराथन मानिसलाई खाना दिने कुरा मात्रै होइन उनीहरुलाई आफैं खाना उत्पादन गर्न सिकाउनको लागि पनि भएको उनको तर्क छ । उनले नेपालका भूकम्प पीडितलाई फेज वर्ल्डवाइड नामको संस्थामार्फत सहयोग गर्नेछिन् । अब उनी जर्जिया र अजरबैजान हुँदै नेपाल आइपुग्नेछिन् ।

प्रकाशित मितिः२०७६ मंसिर २६ बिहीबार