भक्तपुर घलातेबाट बालिकालाई यौन दुर्व्यवहार गरेको अभियोगमा युवक पक्राउ

भक्तपुर । ११ वर्षीया बालिकालाई यौन दुर्व्यवहार गरेको अभियोगमा भक्तपुर प्रहरीले एक युवकलाई पक्राउ गरेको छ । पक्राउ पर्नेमा काभ्रे रोशी घर भई हाल सूर्यविनायक नगरपालिका–६ घलाते बस्ने ३२ वर्षीय बुद्ध लामा रहेको प्रहरीले जनाएको छ ।

घटनाको खबर प्राप्त हुनासाथ महानगरीय प्रहरी वृत्त जगातीबाट खटिएको प्रहरीले लामालाई शनिबार राति पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

प्रकाशित मितिः २०७६ कार्तिक १७ आइतबार