जीप दुर्घटना हुँदा चारको मृत्यु

काठमाडौं, ११ बैशाख । बाजुराको बडिमालिका नगरपालिका-२ मा जीप दुर्घटना हुँदा चार जनाको मृत्यु भएको छ । ९ जना घाइते भएका छन् । बाजुराको मार्तडीबाट घटमुना जाँदै गरेको से १ ज ६३९ नम्बरको जीप हिजो साँझ दुर्घटना भएको थियो ।
प्रहरीका अनुसार दुर्घटनामा मृत्यु हुनेमा गौमुला ६ सटेला बस्ने लाली रोकाया, शेर बहादुर रोकाया, मानकोट १ बस्ने गंगाबहादुर रोकाया तथा गौमुला १ बस्ने रुपसिंह बुढाथापा रहेका छन् ।
घाइतेहरुको जिल्ला अस्पताल बाजुरामा उपचार भैरहेको छ ।