आर्सनलको आउँदो सिजनको च्याम्पियन्स लिगका लागि छनौट हुने आशा कायमै

एजेन्सी, ५ बैशाख । आर्सनलले शीर्ष चारमा रहँदै आउँदो सिजनको च्याम्पियन्स लिगका लागि छनौट हुने सम्भावना जीवितै राखेको छ । इंग्लिस प्रिमियर लिग अन्तर्गत गएराति भएको खेलमा आर्सनलले मिडल्सबर्गलाई २–१ ले हराएर शीर्ष चारमा पर्ने सम्भावना जीवितै राखेको हो ।
अवे मैदानमा भएको खेलमा आर्सनललाई जिताउन एलेक्स सान्चेज र मेसुट ओजिलले गोल गरे । मिडल्सबर्गका लागि नेग्रेडोले एक गोल फर्काए ।
जितपछि छैटौं स्थानमा उक्लिएको आर्सनलको ३१ खेलबाट ५७ अंक भएको छ । आर्सनल पाँचौं स्थानको म्यानचेस्टर युनाइटेड भन्दा तीन तथा चौथो स्थानको म्यानचेस्टर सिटी भन्दा सात अंकले पछि रहेको छ ।