ट्रयाक्टरबाट खसेर एकको मृत्यु

चितवन, १३ चैत । चितवनको रत्ननगरमा आज बिहान ट्रयाक्टरबाट खसेर रत्ननगर नगरपालिका–१२ का २० वर्षका कोसिस चौधरीको मृत्यु भएको छ ।
जिल्ला प्रहरी कार्यालय चितवनका अनुसार रत्ननगरको सुब्बाचोकबाट डुम्रेचोकतर्फ जाँदै गरेको ना १ त ७०८७ नम्बरको ट्रयाक्टरबाट खसेर चौधरीको घटनास्थलमै मृत्यु भएको प्रहरीले जनाएको छ । चालक र ट्रयाक्टरलाई प्रहरीले नियन्त्रणमा लिएको छ ।