दीपिका एशियाकै नम्बर वान सेक्सी महिला

एजेन्सी, २६ मंसिर । अभिनेत्री दीपिका पादुकोण २०१६ मा एशियाकी सबैभन्दा सेक्सी महिला छनौट भएकी छिन् । हालसम्म यो सूचिको पहिलो नम्बरमा अभिनेत्री प्रियंका चोपडा थिईन् । दिपिकाले भने यो लोकप्रिय सूचिमा पहिलो पटक आएकी हुन् । यो सूचिलाई ब्रिटेनको ईस्टर्न आई समाचार पत्रले वार्षिक रुपमा प्रकाशित गर्छ । दीपिका बाहेक यो सूचिमा सय जनाको महिलाहरु परेका छन् । त्यस्तै यो वर्ष बलिउड अभिनेत्रीहरुलाई टेलिभिजन अभिनेत्री निया शर्मा, दृष्टि धामी, सनाया ईरानी, गौहर खानले कडा टक्कर दिएका छन् ।

सूचिको दोस्रो नम्बरमा अभिनेत्री प्रियंका चोपडा छिन् । त्यस्तै तेस्रो नम्बरमा टेलिभिजन अभिनेत्री निया शर्मा छिन् । नियाले स्टार प्लसको एक हजारोँमे मेरी बेहेना है, र जि टीभिको जमाई राजामा काम गरेर चर्चा बटुलेकी छिन् । चौथौ नम्बरमा दृष्टि धामी परेकी छिन् । उनी हाल स्टार प्लसको शो परदेशमे है मेरा दिलमा काम गरिरहेकी छिन् । पाँचौ नम्बरमा अभिनेत्री आलिया भट्ट परेकी छिन् । त्यस्तै छैठौँ नम्बरमा पनि टेलिभिजन अभिनेत्री सनाया ईरानीको नाम छ । अभिनेत्री कटरीना कैफ टेलिभिजन अभिनेत्रीहरुबाट पछारिँदै सातौँ नम्बरमा परेकी छिन् । आठौँ नम्बरमा अभिनेत्री सोनम कपूर, नवौँ नम्बरमा महिरा खान र दशौँ नम्बरमा अभिनेत्री तथा आईटम गर्ल गौहर खान छन् ।

दिपिकाले आफू एशियाकै सेक्सी महिलाको नम्बर वानमा परेपछि सेक्सीलाई यसरी परिभाषित गरेकी छिन् ।मेरो अनुहारमा यसले मुस्कान लिएर आएको छ । तर मानिसहरुको लागि सेक्सीको अर्थ गलत हुन्छ । मानिसहरु यसलाई नकारात्मक दृष्टिकोणले हेर्छन् । मेरो लागि यो शारीरिक बनावट मात्रै हैन । हामी जे छौँ त्यसमा सहज हुनु नै सेक्सीको परिभाषा हो । विश्वास सेक्सी हो । मानिसहरुको कोमलता सेक्सी हो । यो ताज मेरो त्यस कामको नतिजा हो जुन मैलै गरेकी छु ।