भक्तपुर १० असार । भक्तपुर नगरपालिका ९ स्थित लिवालिमा गए राती सवारी साधन तोडफोड भएको छ । ३ चार जनाको समुहमा आएको युवाहरुले यस क्षेत्रमा पार्क गरि राखेका सवारी तोडफोड गरेको स्थानीयहरुले बताएका छन् । बिश्वकपका समयमा यसरी सवारी साधन पार्क गरिराखेको अवस्थामा तोडफोड हुने क्रमले निरन्तरता पाएको स्थानीहरु बताएका छन् ।
पार्क गरि रखोका सवारी तोडफोडका घटना बढ्न थाले पछि स्थानीयहरुले भक्तपुरमा कम्जोर सुरक्षा अवस्था देखिएको गुनासो समेत गर्न थालेका छन् । गए राति भक्तपुरको च्यामासिंह नजिकै पार्क गरिराखेका सवारी प्रहरीकै अगाडी तोडफोड भएको छ । प्रहरीकै मुख अघि सवारी तोडफोड हुँदासमेत तोडफोड गर्नेहरुलाई कानुनको दायरमा ल्याएर कारवाही गर्न नसकेको सवारी मालिकहरुले गुनासो पोखेका छन् । गए राती भनपा लिवाली ९ आफ्नै निवासमा पार्क गरि राखेको बा ५ च ६६३० नम्बरको कार तोडफोड भएको र प्रहरीले तोडफोड गर्नेहरुलाई लखेट्दै गएता पनि नियन्त्रणमा लिएर कारवाही गर्न नसकेको सवारी मालिक रमेश कुसीले बताए । उनले भने बिश्वकप हेरिरहेका थियो घरमा पार्क गरि राखेको कारमा चार जनाको समुहमा आएर तोडफोड गरेर भागे ।
उनले भने च्यामासिंहमा पार्क गरि राखेको बिभिन्न सवारी साधन समेत तोडफोड भएको छ । एक निशान गाडी र दईवटा मोटरसाईकल समेत तोडफोड भएको सो स्थानका स्थानीयहरुले बताए । नशाको सुरमा आएका युवाहरुको जमातले यसरी तोडफोड गर्दै गर्दा प्रहरी नजिकै भएर पनि केही नगरेको उनीहरुले गुनासो पोखे । चौबिसै घन्टा च्यामासिंह चोकमै प्रहरीको डिउटी हुन्छ तर पनि सँगै तोडफोड हुँदा समेत प्रहरीले पत्तो नपाएको स्थानीयह बिकास प्रजापतीले बताए ।
उनले भने आज भोली रात्रि समयमा बिश्वकप आउने भएकाले सबै बिश्वकप हेर्न ब्यवस्त भएका समयमा पार्क गरि राखेका सवारी तोडफोड हुने गरेको छ । उनले भने लिवाली क्षेत्रमा यसरी पार्क गरिराखेका सवारी तोडफोडका बारे प्रहरीलाई समेत जानकारी गराईसकेका छौं तर पनि पार्क गरि राखेका सवारी तोडफोड हुनेक्रम रोकिएको छैन । यता प्रहरीले भने दोषिहरुको खोजी भइरहेको र छिट्टै कानुनी दायरमा ल्याएर कारवाही गरिने जनाएको छ ।
Comments