भक्तपुर, ५ माघ । भक्तपुर सृर्जनानगरमा गएराति भएको सवारी दुर्घटनामा एकजनाको मृत्यु भएको छ भने अन्य तीनजना घाइते भएका छन् । मृत्यु हुनेमा दोलखा भिमेश्वर नगरपालिका–१३ का ३५ वर्षीय रोशनकुमार बस्नेत रहेको प्रहरीले जनाएको छ । गम्भीर घाइते भएका बस्नेतको उपचारको क्रममा भक्तपुर अस्पतालमा राति सवा ९ बजे मृत्यु भएको महानगरीय प्रहरी परिसर भक्तपुरका प्रवक्ता प्रहरी नायव उपरीक्षक कृष्ण प्रसाईले जानकारी दिए ।
काठमाडौंबाट भक्तपुरतर्फ जाँदै गरेको बा २ ज २०४१ नम्बरको ट्याक्सीमा पछाडीबाट गइरहेको बा ४४ प ५१५२ र बा ८५ प ७०४६ नम्बरको दुईवटा मोटरसाईकल ठोकिएका थिए ।
दुर्घटनामा ५१५२ नम्बरका चालक रोशन कुमार बस्नेतको मृत्यु भएको हो । दुर्घटना सोही मोटरसाईकलमा पछाडी सवार काभ्रे कोशीपारी–८ का केदार खनाल, ७०४६ नम्बरका चालक दोलखाको शैलुङ्ग गाउपालिकाका मनोज योञ्जन र रामेछापका धावा मोक्तान घाइते भएका उनले बताए ।
घाइते सवैको भक्तपुर अस्पतालमा उपचार भईरहेको प्रहरीले जनाएको छ । दुर्घटनामा संलग्न तीनवटै सवारी साधनलाई प्रहरी वृत जगातीले नियन्त्रणमा लिएको छ ।
भक्तपुरमा एउटै ट्याक्सीमा दुई मोटरसाइकल ठोक्किदा बस्नेतको मृत्यु
0
Share.
Comments