सोलुखुम्बु । मतदातालाई घर लैजाने विषयमा उत्पन्न विवाद झडपमा परिणत हुँदा सोलुखुम्बुको सोताङमा एक जनाको मृत्यु भएको छ ।
काङ्ग्रेस र माओवादीका कार्यकर्ताबीच झडप भएको हो । प्रहरीका अनुसार झडपमा परेर माओवादी कार्यकर्ता ३५ वर्षीय सुदीप राईको मृत्यु भएको छ ।
सोताङ गाउँपालिका– ३ मा भोट खासल्न आएकी बिरामी बृद्ध महिलाको मृत्यु भएपछि काङ्ग्रेस र माओवादी कार्यकर्ताबीच विवाद भएको थियो । शुक्रबार साँझ झडपका क्रममा घाइते भएका राईको उपचारका क्रममा जिल्ला अस्पताल फाप्लुमा मृत्यु भएको हो ।
घटनामा केही काङ्ग्रेसका कार्यकर्ता घाइते भएका छन्। घटनामा सम्लग्न तीन जनालाई प्रहरीले नियन्त्रणमा लिएर अनुसन्धान थालेको छ ।
मतदान गर्न बोकेर वृद्धा महिलालाई ल्याएको, तर मतदान गरिसकेपछि भने घर पुर्याउन बेवास्ता गरेको आरोप काङ्ग्रेसले लाएपछि दुई समूहबीच झडप भएको हो। दमको बिरामी ती वृद्धा महिलाको भने हिजो साँझ नै मृत्यु भएको थियो।
प्रकाशित मितिः २०७९ बैशाख ३१ शनिबार
Comments