काठमाडौं । तीन दशकसम्म सत्तामा रहने सूडानका राष्ट्रपति ओमर–अल बशीरलाई सत्ताच्यूत गरिएको छ । रक्षा मन्त्रालयले उनलाई पक्राउ गरिएको जानकारी दिएको छ ।
सरकारी टेलिभिजनमा बोल्दै सुडानका रक्षामन्त्री अहमद अवाद इबले सेनाले दुई वर्षपछि चुनाव गराउने निश्चय गरेको बताएका छन् ।यसका साथै देशमा तीन महिनाको संकटकालको घोषणा गरिएको छ ।
सन् १९८९ देखि नै सूडानमा राज गरिरहेका बशीरविरुद्ध केही महिनादेखि लगातार प्रदर्शन भइरहेको थियो । कडा शासकका रुपमा चिनिएका बाशीर जसरी सत्तामा आएका थिए बहिर्गमन पनि त्यसरी नै भएको छ ।
सुडानी सेनाद्वारा पदच्युत गरिएका बाशीरको शासनकालमा भएका घटनाहरू यहाँको राजनीतिक परिवर्तनका महत्वपूर्ण पाटाका रूपमासमेत हेर्ने गरिएको छ । उनले सन् १९८९ मा कू गरेर सत्ता हत्याएका थिए । अहिले सुडानी सेनाले पनि उनलाई कु नै गरेर हटाइदिएको छ ।
गत केही महिनायता सन् १९८९ देखि सुडानमा शासन गर्दै आएका राष्ट्रपति अल–बशीरका विरुद्ध विभिन्न विरोध प्रदर्शनहरू हुँदै आएका थिए । झण्डै चार महिनादेखि उनीविरुद्धमा भएको आन्दोलनको आडमा सेनाले उनलाई हटाएको हो । एजेन्सी
प्रकाशित मितिः२०७५ चैत २९ शुक्रबार
Comments