भारत, ६ जेठ । कर्नाटकका मुख्यमन्त्री बीएस यदुरप्पाले सपथ लिएको भोलिपल्ट राजीनामा दिएका छन् । कर्नाटकको चुनावी परिणामसँगै देखिएका केही नाटकीय घटनाक्रमका बिच अब कांग्रेस र उसको सहयोगी दलले सरकार बनाउने सम्भावना देखिएको छ ।
हालै भएको चुनावमा सबैभन्दा ठूलो दल बनेको भारतीय जनता पार्टी (बीजेपी)ले बहुमत पुर्याउन भने सकेको थिएन । यस अबस्थामा काँग्रेस र उसको सहयोगी गठबन्धनसँग सहज बहुमत भए पनि त्यहाँका राज्यपालले सबैभन्दा ठूलो दल भाजपालार्इ नै सरकार गठनका लागि ३ जेठको राति आहृवान गरेका थिए ।
कर्नाटकका २ सय २२ सिटमध्ये बहुमतको लागि १ सय १२ सिट आवश्यक पर्नेमा भाजपाको १ सय ४ सिट मात्र थियो । तर पनि ठूलो दलका हिसाबमा भाजपाका येदियुरप्पाले मुख्यमन्त्रीको सपथ ग्रहण गरेका थिए ।
उनले सरकारको दाबी गर्दै राज्यपालसमक्ष सपथ लिए पनि बहुमतका लागि दिइएको हिजो ४ बजेसम्मको समयमा थप ८ जना सांसदको समर्थन नपाउँदा राजिनामा दिनुपरेको हो । राजिनामा दिँदै येदियुरप्पाले अब छिटै चुनाव हुने र चुनावमा बहुमतभन्दा धेरै सिट जितेर देखाउने दाबी गरेका छन् । (एजेन्सी)
सपथको भोलिपल्टै मुख्यमन्त्री यदुरप्पाले दिनुपर्यो राजीनामा
0
Share.
Comments