एजेन्सी २७ असोज । उत्तर कोरियाको लगातार बढिरहेको मिसाइल र परमाणु क्षमताले अमेरिकासमेत संसारका लगभग सबै देशलाई चिन्तामा राखेको छ । विभिन्न चेतावनी र प्रतिबन्धपश्चात् पनि उत्तर कोरिया आफ्नो परमाणु हतियार रोक्ने नाम नै लिँदैन । अब अमेरिकी संसदले उत्तर कोरियाको विषयमा गम्भीर चिन्ता व्यक्त गरेको छ ।
अमेरिकी कांग्रेसले उत्तर कोरिया मिसाइल वा सेटेलाइटमार्फत न्यूक्लियर इएमपी बममार्फत हमला गरेर एक झट्कामा एक वर्षभित्र नै ९० प्रतिशत अमेरिकीको हत्या गर्न सक्ने चेतावनी दिएको छ । अमेरिकी विशेषज्ञका अनुसार उत्तर कोरिया इलेक्ट्रोनिक पावर ग्रिडलाई तहसनहस गर्नसक्छ जसका कारण अमेरिका पूर्ण रुपमा अँध्यारो हुनेछ ।
अमेरिकी राष्ट्रपति डोनल्ड ट्रम्प र उत्तर कोरियाली शासक किम जोंग उनकाबिच पछिल्ला दिनमा चल्दै आएको तिखो बयानबाजीका कारण अमेरिकी कांग्रेस चिन्तित बनेको बताइएको छ ।
कांग्रेसको सुनुवाईको क्रममा विशेषज्ञले ट्रम्प र पेन्टागनसँग देशको इलेक्ट्रोनिक पावर ग्रिडको सुरक्षाका लागि चाँडै नै केही कदम उठाउन आग्रह गरिएको छ । उत्तर कोरिया अमेरिकाका लागि लगातार खतरा बनिरहेकाले यस्तो गनुपर्ने उनीहरुको धारणा छ । ‘यदि उत्तर कोरियालाई चाँडै रोकिएन भने सबै तहसनहस हुनसक्छ,’ उनीहरुको भनाई छ ।
अमेरिकालाई दिइसकेको छ धम्कीः
उत्तर कोरियाले थुप्रै पटक सार्वजनिक रुपमा अमेरिकालाई तहसनहस गर्ने धम्की दिइसकेको छ । अमेरिकाले आफूलाई उक्साउनले कोसिस गरे परमाणु हमला गर्ने भनी उत्तर कोरियाले स्पष्ट रुपमा चेतावनी दिइसकेको छ । यो पनि आशंका जताइएको छ कि उत्तर कोरियाको तर्फबाट केही समय अघि गरिएको परिक्षण इएमपी स्ट्राइक क्षमता बढाउनका लागि गरिएको हो । विशेषज्ञका अनुसार उत्तर कोरियासँग अमेरिकासम्म हमला गर्नसक्ने मिसाइल छन् । उत्तर कोरियाले खुल्ला रुपमा यसको घोषणा पनि गरिसकेको छ ।
के हो इएमपी हमला
इएमपी हमला अर्थात् इलेक्ट्रोम्याग्नेटिक पल्स वेपन हमला दुश्मनको संचार उपकारणमाथि क्षती पुर्याउनका लागि गरिन्छ । यदि उत्तर कोरियाले अमेरिकामाथि मिसाइल वा सेटलाइटमार्फत् इएमपी हमला गरे अमेरिकाको इलेक्ट्रोनिक ग्रिड तहसनहस हुनेछ । आज अमेरिका पूर्ण रुपमा साइबर प्रविधिमा निर्भर छ । उत्तर कोरियाको यो कदमले अमेरिकाको चिन्ता बढाएको छ ।
Comments