भक्तपुर । सातौं पटक अध्यक्ष बनेका नेपाल मजदुर किसान पार्टीका अध्यक्ष नारायणमान बिजुक्छेंले फेरी अध्यक्ष बन्नुको रहस्य खोलेका छन् ।
अध्यक्ष चयन भएपछि भक्तपुर कमलबिनायकस्थित् आफ्नै निवासमा आज भएको पत्रकार सम्मेलनमा बिजुक्छेंले समाजवादी क्रान्ति अझैं बाँकि रहेकाले आफूलाई पार्टीले पुनः अध्यक्ष बनाएको बताए ।
नेपाल कम्युनिस्ट पार्टीको दुई तिहाइको सरकार भएपनि मुलुकमा समाजवाद ल्याउन नसकेको उनको भनाई थियो । नेकपाको सरकार कम्युनिस्ट विचार धारको नभई पूँजीवादी प्रबृत्ति हावीकै कारण यसलाई उदङग्याउँदै समाजवादी बिचारधारालाई लागू गराउन आफूलाई पार्टीले पुन अध्यक्ष बनाएको उनले स्पष्ट पारे ।
नेमकिपालाई भक्तपुरमा मात्र सिमित रहेको आरोप लगाउने हरुलाई यो पनि जानकारी हुनपर्छ ? सातौं महाधिबेशनमा देशका ३३ जिल्लाबाट उम्मेद्वारी चयनका लागि योग्य रहेका प्रतिनिधिहरु आएता पनि देश अन्य जिल्लामा पनि नेमकिपाको पार्टीको उपस्थित रहेको उनले बताए ।
उनले भने आफ्नो पार्टी भित्रका युवाहरुलाई पार्टी नेतृत्व पंक्तिमा नल्याएको बिषयलाई स्पष्ट पार्दै युवा पार्टीको मुटु भएको र त्यसलाई छात्तिको बाहिरी भागमा राख्नु हितकर नहुने भएकाले युवालाई नेतृत्व हस्तान्तरण गर्ने आन्तिरक तयारी भइरहेको उनले बताए ।
चिनियाँ राष्ट्रपतिको बिचारबारे जसरी नेपाली सत्तामा रहेका दलहरुले अँगाल्नेबारे प्रशिक्षण दिइरहेका छन् यदि यसो भए देशका लागि हितकर हुने र चीनमा जस्तै नेपालको सत्तामै रहेका भ्रष्ट नेताहरुका जेल जाने भएकाले ब्यबहारमा सि बिचारधारा लागू भए देशका लागि हितकर हुने उनले बताए ।
सोमबार सकिएको नेमकिपाको सातौं महाधिबेशनले २५ कार्यसमिति चयन गरेको थियो भने पहिलो बैठकमा अध्यक्षले आफ्नो अधिकारको प्रयोग गर्दै थप ३ सदस्य मनोनयन गरेको बिजुक्छेंले बताए ।
प्रकाशित मितिः २०७६ असोज ७ मंगलबार
Comments