काठमाडौं, ३ बैशाख । प्रधानमन्त्री तथा नेकपा एमाले अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहालबीच पार्टी एकताका विषयमा एक्लाएक्लै वार्ता भएको छ ।
पार्टी एकता टुंगो लगाउन एमालेका अध्यक्ष ओली र केन्द्रका अध्यक्ष प्रचण्डबीच प्रधानमन्त्री निवास बालुवाटारमा साढे १० बजेदेखि चलेको वार्ता २ घण्टासम्म चलेको थियो ।
नेताहरुबीच एकतामा देखिएका विवादबारे छलफल भएपनि कुनै सहमति हुन नसकेको बताइएको छ । तर भोलि बिहान पार्टी एकता समितिको बैठक बोलाउने सहमति भएको छ ।
दुई दलबीच नयाँ पार्टीमा हुने प्रतिनिधित्व, चुनाव चिन्ह र विधानमा जनयुद्ध राख्ने विषयमा सहमति जुट्न सकेको छैन ।
कम्युनिष्ट पार्टी स्थापना दिवसको अवसर पारेर आगामी ९ गते पार्टी एकता गर्ने घोषणा गरेका छन् । हिजो परिवारसहित सिन्धुपाल्चोकको सुकुटेमा पुगेका दाहाल आजै काठमाडौं फर्केका हुन् ।
ओली प्रचण्ड वान टु वान वार्ता सकियो, भोलि एकता समितिको बैठक
0
Share.
Comments