काठमाडौँ । च्याम्पियन्स लिग फुटबलमा बोरुसिया डर्टमण्डले रुसियन क्लब जेनिट सेन्ट पिटरबर्गलाई हराएको छ । बुधबार भएको समूह एफको खेलमा डर्टमण्डले पिटरबर्ग टोलीमाथि २–० को जित निकालेको हो ।
बुन्डेसलिगा क्लबले खेलको अन्तिम समयतिर मात्र दुई गोल निकालेको थियो । खेलको ७८ औं मिनेटमा पेनाल्टीमा गोल गर्दै जाडोन साञ्चोले डर्टमण्डको खाता खोलेका थिए । थोगर्न हाजार्डलाई डिबक्स भित्र फल गरेपछि डर्टमण्डले पेनाल्टीको अवसर पाएको थियो । इन्जुरी समयमा इर्लिङ हालाण्डले गोल गर्दै डर्टमण्डलाई २–० को जित दिलाए ।
गत हप्तामात्र डर्टमण्डले च्याम्पियन्स लिगको यस सिजनको पहिलो खेलमा सिरि ए क्लब लाजियोसंग ३–१ को हार ब्यहोरेको थियो । लिभरपुलका पूर्व डिफेन्डर डेजन लोवेनको प्रभावमा पिटरबर्गले डर्टमण्ड समक्ष राम्रो चुनौती पस्किएको थियो । तर अन्तिम समयमा सम्हालिन नसक्दा जर्मन क्लबले खेलमा बाजी मार्यो ।
सोही समूहको अर्को खेलमा लाजियो र क्लब ब्रुगिसले १–१ गोलको बराबरी खेल्दै अंक बाँडे । डर्टमण्ड पहिलो जित सहित तीन अंक जोडेको छ । लाजियोले ४ अंक जोड्दै तालिकाको शीर्ष स्थानमा छ ।
समान अंक भएपनि क्लब ब्रुगिस गोल अन्तरका आधारमा समूहको दोस्रो स्थानमा छ । रुसियन क्लब पिटसबर्ग अंक विहिन हुँदै तालिकाको पुछारमा छ । एजेन्सी
प्रकाशित मितिः २०७७ कार्तिक १३ बिहिबार
Comments