च्याम्पियन्स लिग फुटबलको क्वार्टरफाईनलमा जर्मन क्लब बायर्न म्युनिखले स्पेनिस महारथी क्लब बार्सिलोनालाई ८–२ गोल अन्तरले पराजित गर्यो ।
पोर्चुगलमा भएको खेलमा बार्सिलोनाले लज्जास्पद हार ब्यहोर्यो । उता शानदार जित सहित बायर्नले च्याम्पियन्स लिगको यस सिजनको उपाधिमा बलियो दाबेदारिता प्रस्तुत गर्यो । थोमस मुलर र फिलिप कौटिन्होको समान दुई–दुई गोलको सहयोगमा बायर्नले ठुलो अन्तरको जित निकाल्न सफल भएको हो ।
यस खेलबाट जान्नुपर्ने ९ वटा तथ्यलाई यहाँ प्रस्तुत गरेका छौ ।
१, बायर्न म्युनिख च्याम्पियन्स लिग ईतिहासमा नकआउट चरणमा ९ गोल गर्ने पहिलो क्लब बनेको छ । सन् १९९०÷९१ मा रियल मड्रिडले च्याम्पियन कपमा ९–१ को कीर्तिमानी जित निकालेको ईतिहास छ ।
२, बार्सिलोना सन् १९५१ को अप्रिल पछि पहिलो पटक ६–० गोल अन्तरले पराजित बनेको छ । त्यस बेला लिग खेलमा बार्सिलोना स्प्यानियोलसंग ६–० ले हारेको थियो ।
३, बायर्न म्युनिख १२ औं पटक च्याम्पियन्स लिगको सेमिफाईनलमा प्रवेश गर्न सफल भएको छ । बायर्न अघि रियल मड्रिड एक पटक बढी (१३ पटक) च्याम्पियन्स लिगको सेमिफाईनलमा प्रवेश गरेको छ ।
४, बार्सिलोनाले सन् १९४६ को अप्रिलमा सेभियासंग ८–० ले पराजित भएपछि पहिलो पटक ८ गोल ब्यहोरेको हो ।
५, बायर्नका फरवार्ड रोबर्ट लेवान्डोस्की च्याम्पियन्स लिगमा लगातार ८ खेलमा गोल गर्ने पहिलो खेलाडी बनेको छन् ।
६, बार्सिलोना पछिल्ला ५ सिजनमा चौथो पटक च्याम्पियन्स लिगको क्वार्टरफाईनलबाट पराजित बनेको हो ।
७, बायर्न म्युनिखले सबै प्रतियोगितामा गरि पछिल्ला सबै १९ खेलमा जित निकालेको छ ।
८, बायर्नका प्रशिक्षक हान डाइटर फ्लिक च्याम्पियन्स लिगमा सूरुवाती ६ खेल जित्ने तेस्रो प्रशिक्षक बनेका छन् । यसअघि सन् १९९२÷९३ मा फाबियो कापिलो र सन् १९९४-९५ मा लुईस फर्नान्डिजले यो सफलता प्राप्त गरेका छन् ।
९, बार्सिलोनाले च्याम्पियन्स लिगका ६ खेल बायर्नबिरुद्ध गुमाएको छ । दुई खेल अन्य क्लबसंग गुमाएको छ । एजेन्सी
प्रकाशित मितिः २०७७ साउन ३१ शनिबार
Comments