लेस्टरको अप्रत्यासित हार

काठमाडौं । प्रिमियर लिग फुटबलमा रेलिगेशन जोनबाट संघर्षरत बाेर्नमाउथसंग लेस्टर सिटीले अप्रत्यासित हार ब्यहोरेको छ । शीर्ष चारमा रहदै च्याम्पियन्स लिग छनोटको नजिक रहेको लेस्टर सिटीमाथि बाेर्नमाउथले ४–१ को जित निकाल्न सफल भएको हो ।

पाहुना टोली लेस्टरले जेमी भार्डीको गोलमा अग्रता लिएको थियो । तर दोस्रो हाफमा लगातार चार गोल गर्दै घरेलु टोली बाेर्नमाउथले पुनरागमन जित आत्मसाथ गर्यो ।

डोमिनिक सोलन्कीले दुई गोल गरेको खेलमा जुनियर स्टालिस्लासले एक गोल गरे । बाेर्नमाउथले जोनी इभान्सको एक गोल आत्मघाति रुपमा उपहार पाएको थियो ।

हारसंगै चौथो स्थानको लेस्टरको ५९ अंक छ । एक खेल कम खेलेको पाँचौ स्थानको म्यान्चेष्टर युनाईटेड मात्र एक अंकले लेस्टर भन्दा पछि छ ।

पुछादेखि तेस्रो स्थानमा रहेको बाेर्नमाउथले ३१ अंक जोडेको छ । रेलिगेशन जोन भन्दा माथि रहेको वाटफोर्डले बाेर्नमाउथसंग मात्र तीन अंकको अग्रता लिएको छ ।

प्रकाशित मितिः २०७७ असार २९ सोमबार