एजेन्सी, ६ मंसिर । एटिपी वर्ल्ड टुर फाइनल्सको उपाधि जित्दै बेलायती एण्डी मुर्रे विश्व बरियतामा शीर्ष स्थानमा कायम रहेका छन् । लण्डनमा गएराति भएको फाइनलमा सर्बियाका नोभाक जोकोविचलाई ६–३ र ६–४ को सेटमा हराएर मुर्रेले पहिलो पटक एटिपी वल्र्ड टुर फाइनल्सको उपाधि जितेका हुन् ।
यसअघि चारपटक उपाधि जितेका जोकोविचलाई विश्व बरियतामा शीर्ष स्थानमा उक्लिन मुर्रेमाथि जितको खाँचो थियो । तर मुर्रेले आफ्नो विजयी यात्रा कायम राख्दै वर्ष २०१६ शीर्ष स्थानमा रहेर टुंग्याएका छन् । मुर्रे सबै प्रतियोगितामा गरी पछिल्ला २४ खेलमा अपराजित छन् ।
विश्व नम्बर एक मुर्रेले जोकोविचलाई हराए
0
Share.
Comments