काठमाडौँ । स्टेभन विर्गवाईनले डेब्यु खेलमै गोल गरेपछि टोटेनहमले प्रिमियर लिगमा म्यान्चेष्टर सिटीलाई हराएको छ ।
आईतबार घरेलु मैदानमा टोटेनहमले खराब लयबाट गुज्रिरहेको १० खेलाडीमा सिमित सिटीलाई २-० गोल अन्तरले हराएको हो ।
जितसंगै टोटेनहम तालिकाको पाँचौ स्थानमा उक्लिएको छ । टोटेनहम चौथो स्थानको चेल्सी भन्दा चार अंकले पछाडी छ । टोटेनहमले लिगको शीर्ष चारमा आफ्नो दौडलाई जारी राखेको छ ।
सिटीको हारले लिभरलुलले लिगमा स्पष्ट २२ अंकको अग्रता लिएको छ ।
अलेक्जेन्डर जिनचेन्को दोहोरो पहेलो कार्ड खादै मैदान बाहिरिएपछि सिटी ६३ औं मिनेटमा १० खेलाडीमा सिमित बन्यो । लगत्तै घरेलु टोली टोेटनहमले दुई गोल गर्यो ।
६३ औ मिनेटमा डेब्यु खेलाडी विर्गवाईनले भलीमा गोल गर्दै टोटेनहमलाई अग्रता दिलाए ।
सन ह्युङ मिनले ७१ औं मिनेटमा टोटेनहमका लागि दोस्रो गोल गर्दै टोलीको जित सुनिश्चित गरे ।
पेप ग्वार्डिओलाको टिम लिगको पछिल्लो ६ खेलमा पाँचौ जित दर्ता गर्न लण्डन आएको थियो । तर खेलमा प्रभाव जमाएपनि टोली गोल गर्न असफल रह्यो ।
जितसंगै टोेटेनहम ३७ अंक जोड्दै तालिकाको पाँचौ स्थानमा उक्लियो । सिटी ५१ अंक सहित तालिकाको दोस्रो स्थानमा रह्यो । एजेन्सी
प्रकाशित मितिः २०७६ माघ २० सोमबार
Comments