काठमाडौं। नेपालमा जारी १३ औं दक्षिण एसियाली खेलकुद (साग) को नवौं दिनसम्म कूल ३०३ स्वर्ण पदकको छिनोफानो भएको छ ।
कुल ३१७ स्वर्णमध्ये ३०३ स्वर्णको छिनोफानो हुँदा भारत १६३ स्वर्ण पदकका साथ शीर्ष स्थानमा रहेको छ भने ४९ स्वर्णसहित नेपालले भारतलाई पछ्याईरहेको छ ।
नवौं दिनसम्म आइपुग्दा भारत पदक तालिकामा १६३ स्वर्ण, ९१ रजत र ४३ कास्य गरी कुल २९७ पदकसहित शिर्ष स्थानमै यथावत छ । नेपालले ४९ स्वर्ण, ५५ रजत र ९३ कास्य गरी कुल पदक संख्या १९७ पुर्याएको छ ।
श्रीलंका ४० स्वर्ण, ८१ रजत र ११९ कास्यका साथ कुल २४० पदकका साथ तेस्रो स्थानमा छ । पाकिस्तान भने ३१ स्वर्ण, ३७ रजत र ५५ कास्यसहित १२३ पदकसहित तालिकाको चौथो स्थानमा छ ।
बंगलादेशले १९ स्वर्ण, ३३ रजत र ८३ कास्यसहित १३५ पदकसहित पाँचौं स्थानमा छन् भने एक मात्र स्वर्ण जितेको माल्दिभ्सले ३ कास्यसहित ४ पदक लिएर छैठौं तथा छ रजत र १३ कास्यसहित १९ पदक जितेको भुटान तालिकाको पुछारमै छ ।
यस्तै इतिहासमै दोस्रो पटक सागको तालिकामा दोस्रो स्थानमा रहेको आयोजक राष्ट्र नेपालले ४९ स्वर्ण पदक जितेको छ । पहिलो संस्करणदेखि लगातार सागमा सहभागिता जनाएको नेपालले सर्वाधिक स्वर्ण १९९९ मा काठमाडौंमा भएको आठौं साग प्रतियोगितामा ३१ स्वर्ण जित्दै दोस्रो स्थान कव्जा गरको थियो ।
प्रकाशित मितिः २०७६ मंसिर २४ मंगलवार
Comments