काठमाडौँ । क्यारेबियन प्रिमियर लिग सीपीएलको सातौ सिजन आजबाट सुरु भएको छ ।
सिजनको पहिलो खेलमा ट्रिनवागो नाइट राइडर्सले सेन्ट किट्स एण्ड नेभिज प्याट्रोयट्सलाई ११ रनले पराजित गरेको छ ।
नाइट राइडर्सले दिएको १५३ रनको लक्ष्य पछाएको प्याट्रोयट्स १९-४ ओभरमा अल आउट हुदै १४१ रन मात्र बनाएपछि खेल ११ रनले गुमाएको थियो ।
प्याट्रोयट्सका लागि एभिन लुइसले सर्वाधिक ३६ रन बनाए भने फाबियन एलेनले ३० तथा उसमा मिरले २४ रन बनाएका थिए ।
नाइट राइडर्सका बलर मोहमद हस्नैन र जेम्स नाशीमले ३-३ विकेट लिएका थिए । त्यस्तै खारी पिएरले २ तथा सेकुग्गे प्रसन्नले एक विकेट लिएका थिए ।
यस अघि टस हारेर अहिल ब्याटिंग गरेको प्याट्रीयटसले २० ओभरमा ७ विकेट गुमाउदै १५२ रन बनाएको थियो । प्याट्रीयट्सका लागि कप्तान केरन पोलार्डले सर्वाधिक ४७ रन बनाएका थिए । त्यस्तै डेनेस रामदीन र जेम्स नाशीमले ३३-३३ रन बनाएका थिए ।
नाइट राइडर्सका बलर शेल्डन कोट्रेल र रयाद एमरिटले सर्वाधिक ३-३ विकेट लिए भने अल्जारी जोसेपले एक विकेट लिए ।
अक्टोबर १२ सम्म हुने यस प्रतियोगितामा ६ टिमको सहभागिता रहेको छ । जसमा बारबाडोस ट्रीडेन्टस, गुयाना अमेजन वारियर्स, सेन्ट लुसिया स्टार्स, जमैका टलावाह, ट्रिनवागो नाइट राइडर्स र सेन्ट किट्स एण्ड नेभिज प्याट्रोयट्स रहेका छन्।
यस प्रतियोगितामा नेपाली लेग स्पिनर सन्दीप लामिछाने भने यस पटक बारबाडोस ट्रीडेन्टसबाट खेल्दै छन् । सन्दीपलाई बारबाडोसले ७० हजार अमेरिकी डलरको स्लटमा किनेको हो ।
यसअघि पाँचौ संस्करणमा सन्दीपले सिपिएलको टिम सेन्ट किट्स एण्ड नेभिस प्याट्रियट्सबाट क्रिस गेलको कप्तानीमा खेलेका थिए । सन्दीपले सेन्ट किट्सबाट गत सिजनमा कुल ५ खेल खेल्दै ७ विकेट लिएका थिए ।
सिपिएलको ड्राफ्टमा नेपालबाट लेग स्पिनर सन्दीप लामिछानेसहित, अलराउण्डर दिपेन्द्रसिंह ऐरी, तीव्र गतिका बलर सोमपाल कामी र मध्यक्रमका ब्याट्सम्यान रोहितकुमार पौडेल रहेपनि सन्दीपले मात्र खेल्ने अवसर पाएका हुन् ।
सन्दीपको टिमको पहिलो खेल आगामी सोमबार गुयाना अमेजन वारियर्ससँग रहेको छ । एजेन्सी
प्रकाशित मितिः २०७६ भदौ १९ बिहिबार
Comments