काठमाडौँ । भारतीय क्रिकेट टिमका कप्तान विराट कोहलीले अन्तर्राष्ट्रिय क्रिकेटमा नयाँ किर्तिमान बनाएका छन् ।
गएराती वेस्टइन्डिजविरुद्ध शतकीय पारी खेलेसँगै विराट १० बर्षमा २० हजार अन्तर्राष्ट्रिय रन बनाउने पहिलो खेलाडी बनेका छन् । आफ्नो एकदिवसीय क्रिकेटको ४३औ शतक बनाउने क्रममा विराट अविजित रहदै ११४ रन बनाएर भारतलाई जित दिलाएका थिए ।
विराटले अन्तर्राष्ट्रिय क्रिकेटमा १० बर्षमा २० हजार रन बनाउने पहिलो र एकमात्र क्रिकेटर बनेका छन् । साथै विराटले सचिन तेन्दुलकरको कुनै एक टिमविरुद्ध धेरै शतक बनाउने रेकर्डको समेत बराबरी गरेका छन् । सचिनले अस्ट्रेलियाविरुद्ध ९ शतक बनाएका छन् भने विराटले वेस्टइन्डिजविरुद्ध ९ शतक बनाएर सो रेकर्डको बराबरी गरेका छन् ।
विराटपछि १० बर्षमा धेरै रन बनाउने खेलाडीमा दोस्रो स्थानमा अस्ट्रेलियाका पुर्व कप्तान रिक्की पोन्टिङ रहेका छन् । रिक्कीले १० बर्षमा १९८६२ रन बनाएका थिए । त्यस्तै तेस्रो स्थानमा दक्षिण अफ्रीकाका पुर्व खेलाडी ज्याक कालिस रहेका छन् । कालिसले १० बर्षमा १६७७७ अन्तर्राष्ट्रिय रन बनाएका थिए । त्यस्तै श्रीलंकाका महिला जयवर्धनेले १६३०४, श्रीलंकाकै कुमारा संगाकाराले १५९९९ रन, भारतका सचिन तेन्दुलकरले १५९६२ रन, भारतका राहुल द्रविडले १५८५३ रन र दक्षिण अफ्रीकाका हसिम अमलाले १५१८५ रन बनाएको रेकर्ड छ ।
कोहलीका ४३ शतक
एकदिवसीय अन्तर्राष्ट्रिय क्रिकेटमा विराट कोहलीले ४३ शतक प्रहार गर्दै सचिन तेन्दुलकरको धेरै शतकको रेकर्डलाई पछ्याइरहेका छन् । सचिनले एकदिवसीय क्रिकेटमा ४९ शतक बनाएका छन् ।
विराट कोहलीले सबै भन्दा धेरै वेस्टइन्डिजविरुद्ध ९ शतक प्रहार गरेका छन् भने श्रीलंका र अस्ट्रेलियाविरुद्ध ८(८ शतक प्रहार गरेका छन् ।
त्यस्तै न्युजील्याण्डविरुद्ध ५ र दक्षिण अफ्रिकाविरुद्ध ४ शतक प्रहार गरेका छन् । त्यसै गरि बंगलादेश र इङल्याण्डविरुद्ध ३(३ शतक प्रहार गरेका छन् । त्यसै गरि पाकिस्तानविरुद्ध २ र जिम्बाबेविरुद्ध एक शतक प्रहार गरेका छन् ।
एकदिवसीय क्रिकेटमा सचिनको धेरै शतकको रेकर्डबाट अब विराट ६ शतक टाढा रहेका छन् । एजेन्सी
प्रकाशित मितिः २०७६ साउन ३० बिहिबार
Comments