काठमाडौं । नेपाली राष्ट्रिय क्रिकेट टिमका कप्तान पारस खड्काले मलेसियाविरुद्धको टी–२० सिरिजको जित बाढी पहिरो तथा डुबानमा परेर ज्यान गुमाएका र प्रभावित भएकाहरुमा समर्पित गरेका छन् ।
सामाजिक सञ्जाल ट्विटरमा एक सन्देश जारी गर्दै पारसले बाढी पहिरोमा ज्यान गुमाएका र प्रभावितहरुमा उपाधि समर्पित गरेको उल्लेख गरेका हुन् । मलेसियाविरुद्ध दुई खेलको सिरिजमा २–० ले क्लिन स्विप गरेको नेपालका लागि यो उत्कृष्ट जित भएको पनि उनले बताएका छन् ।
उनले टिममा सबैको महत्वपूर्ण योगदान रहेको बताएका छन् । शनिबार मलेसियाविरुद्ध पहिलो खेल ७ विकेटले जितेको नेपालले आइतबार दोस्रो खेल ६ रनले जितेको हो ।
प्रकाशित मितिः २०७६ असार २९ आइतबार
Comments