काठमाडौँ। स्पेनिस क्लब एथलेटिको म्याड्रिडका प्रमुख खेलाडीहरुले यस सिजनपछि क्लब छोड्ने भएपछि एथलेटिकोको संकट बढेको छ ।
क्लबका प्रमुख खेलाडीहरु एन्टोनी ग्रीजम्यान, डिएगो गोडीन, साउल निगेज र रोड्रीगो जस्ता खेलाडीले क्लब छोड्दै छन् । यी मध्ये ग्रीजम्यानले त आफ्नो यो सिजन क्लबमा अन्तिम सिजन भएको घोषणा समेत गरिसकेका छन् ।
प्रमुख खेलाडीले क्लब छोड्ने तयारी गरिरहदा म्यानेजर डिएगो सिमेओनी भने टिमलाई पुनर्निर्माण गर्ने दबाबमा रहेका छन् । यस सिजनमा कुनै उपाधि जित्न नसके पनि एथलेटिको ला लिगामा रियल म्याड्रिडलाई उछिन्दै दोस्रो भएको छ ।
यसै बीच क्लबमा केहि चर्चित खेलाडी भित्रिने चर्चाले एथलेटिकोमा नयाँ उत्साह देखिएको मिडिया रिपोर्टमा उल्लेख छ । एथलेटिकोमा फेलिपे, निकोलस ओटामेन्डी, हेक्टर हेर्रेरा र युवा खेलाडी जावो फेलिक्सजस्ता खेलाडी भित्रिने चर्चा चलिरहेको छ । त्यस्तै पाउलो डिबाला, एडिसन कभानी जस्ता खेलाडी पनि एथलेटिको आउने सम्भावित सुचिमा रहेका छन् ।
एथलेटिकोका ग्रीजम्यान बार्सिलोना जाने तयारीमा छन् भने कप्तान समेत रहेका गोडीन इन्टर मिलान जाने भएका छन् । त्यस्तै जुआनफ्रानले पनि क्लब छोड्ने घोषणा गरिसकेका छन् । त्यस्तै रोड्रीगो म्यानचेस्टर सिटी जाने भएका छन् ।
एथलेटिकोले बाहिरबाट चर्चित खेलाडी किन्ने प्रयासका बीच आफनै एकेडेमीका केहि खेलाडीलाई समेत पहिलो टिममा मौका दिने तयारी गरिरहेको छ ।१९ बर्षिय बोर्जा गारसेज, १८ बर्षिय भिक्टर मोल्लेजो र सर्जियो कामेल्लोले एथलेटिकोको पहिलो टिममा ठाउ पाउने बताइएको छ । २१औ शताब्दीमा जन्मिएका सर्जियो कामेल्लोले अघिल्लो साता मात्र खेल्दै गोल समेत गरेका थिए ।
म्यानेजर सिमिओनो अल्भारो मोरटा र डिएगो कोष्टाको ठाउमा पाउलो डिबला वा कभानीलाई भित्राउने तयारीमा रहेको बताइएको छ । कभानीको तुलनामा डिबाला सस्तो भएकोले उनलाई भित्राउने प्रयास भइरहेको बताइएको छ ।
त्यस्तै एथलेटिकोको नजर आर्सनलबाट खेलिरहेका अलेक्जेन्डर लाकाजेटेमा पनि रहेको छ । यसरी हेर्दा करिब आधा टिमले क्लब छोड्ने तयारी गरेको एथलेटिकोको टिमलाई सिमिओनीले कसरी पुनर्निर्माण गर्छन त्यो हेर्न रोचक हुने छ । एजेन्सी
प्रकाशित मिति ः २०७६ जेठ १० शुक्रबार
Comments