काठमाडौं । फुटबल जगतको बारेमा लेख्दै आएको वेभसाइट स्काइ स्पोर्ट्सले २०१८ का टप १० प्रिमियर लिग खेलाडी सार्वजनिक गरेको छ । सो लिस्टमा इंग्लिस स्ट्राईकर ह्यारी केनदेखि लिभरपुलका स्टार खेलाडी मोहम्मद सालाहसम्म रहेका छन् ।
को को छन् त ?
१०, विलफाइड जोहा –क्रिष्टल प्यालेस
क्रिष्टल प्यालेसलाई रेलिगेशनबाट जोगाउन महत्वपूर्ण भूमिका खेलेका यी आइभोरी कोष्टका खेलाडी चर्चामा रहने गरेका छन् ।
९, पियरी एम्रिक औबामेयाङ्ग – आर्सनल
६० मिलियन पाउण्डमा डर्टमुण्डबाट जनवरीमा भित्रिएका उनले आफ्नो २९ खेलमा २० गोल गरेका छन् ।
८, जेम्स मिल्नर – लिभरपुल
लिभरपुलमा आफूलाई राम्रो प्रमाणित गरेका उनी राइट ब्याक र मिडफिल्ड सम्हालेका छन् ।
७, सर्जियो एगुरो – म्यानचेष्टर सिटी
आफ्नो बेग्लै खेल्ने शैलीका कारण कोचसँग मनमुटाब हुने गरेतापनि सिटीमा उनको ठूलो भूमिका रहने गरेको छ ।
६, एडरसन – म्यानचेष्टर सिटी
अघिल्ला वर्षको उपाधि दौडमा महत्वपूर्ण भूमिका खेलेका उनले सधैं आफूलाई उत्कृष्ट गोलकिपर साबित गरेका छन् ।
५, भिर्गिल वान जिक – लिभरपुल
ब्याक सम्हाल्न महत्वपूर्ण भूमिका खेल्ने गरेका उनको ठूलो योगदान छ । लिभरपूललाई अंक तालिकाको शिर्ष स्थानमा पुर्याउन उनले विशेष भूमिका खेलेका छन् ।
४, ह्यारी केन – टोटेनह्याम
रसिया विश्वकपमा गोल्डेन बुट बिजेता केन टोटेनह्यामका गोल मेशिन हुन् ।
३, रहिम स्टर्लिङ्ग – म्यानचेष्टर सिटी
२०१८ को सिजनमा आफू उत्कृष्ट खेल खेल्दै आफ्ना आलोचकहरुलाई कडा जवाफ दिएका छन् ।
२, ईडेन हजार्ड – चेल्सी
सदाबहारका उत्कृष्ट खेलाडी उनी चेल्सीका खम्बा हुन् । विपक्षीलाई झुक्याउन माहिर उनी धेरैका प्रेरणदायी खेलाडी हुन् ।
१, मोहमल सलाह – लिभरपुल
ईजिप्टका यी खेलाडीको वर्ष २०१८ गोलमय रह्यो । लिभरपुललाई प्रिमियर लिगको दाबेदारको रुपमा उभ्याउन उनको ठूलो योगदान रहेको छ ।
प्रकाशित मितिः २०७५ पुष ११ बुधबार
Comments