काठमाडौं २२ साउन । भारतले चार टोलीबीच हुने यू–१९ एकदिवसीय क्रिकेट सिरिज खेल्न नेपाललाई आमन्त्रण गरेको छ ।
भारतीय क्रिकेट बोर्ड ९बीसीसीआई० को आयोजनामा हुन लागेको ५० ओभरको प्रतियोगितामा नेपालसहित भारत र अफगानिस्तानका यू–१९ टोलीले कोलकातामा खेल्ने भएका हुन् । चौथो टोली नेसनल क्रिकेट एकेडेमी एनसीए यू–१९ टोली छ । यो बीसीसीआईको एकेडेमी टोली हो ।
युवा टोलीको क्षमता विकासको लागि भारतले हरेक बर्ष आयोजना गर्ने यो सिरिजमा गत वर्ष श्रीलंकाको यु १९ टोलीलाई बोलाएको थियो यस पटक नेपाललाई मौका दिइएको हो ।
यस्तै सिरिजलाई यू–१९ एसिया कपको तयारीको रुपमा समेत लिइएको छ । बंगलादेशले आगामी अक्टोबरमा एसिया कपको आयोजना गर्दैछ । जसमा नेपाल, भारत, पाकिस्तान, श्रीलंका, हङकङ, बंगलादेश, युएई र अफगानिस्तान गरी ८ टोलीले खेल्ने छन् ।
भारतीय क्रिकेट बोर्ड ९बिसिसीआई० ले सिरिजको लागि आमन्त्रण गरेपनि नेपालको सहभागिता भने टुंगो लागेको छैन । नेपाल अहिले अन्तर्राष्ट्रिय क्रिकेट परिषद आईसिसी को अनुमति कुरेर बसेको छ । आईसिसीले मान्यता प्रदान गरे नेपालले सेप्टेम्बर ९ देखि २० सम्म आयोजना हुने सिरिज खेल्ने छ
Comments