काठमाडौं ११ साउन । एसियन गेम र साफ च्याम्पियनसिपको तयारीमा रहेको नेपालको राष्ट्रिय फुटबल टिम प्रशिक्षणका लागि थाइल्याण्ड जाने भएको छ ।
अखिल नेपाल फुटबल संघ एन्फाले राष्ट्रिय पुरुष फुटबल टिमलाई १० दिने प्रशिक्षणका लागि थाइल्याण्ड पठाउने निर्णय गरेको हो ।
राष्ट्रिय टोलीका मुख्य प्रशिक्षक ग्योतोकु कोजीले २९ जना खेलाडी सम्मिलित टोलीलाई थाइल्याण्ड भ्रमण गराउन लागेका छन् । नेपाली टोली अर्को शुक्रबार थाइल्याण्ड प्रस्थान गर्नेछ ।
थाइल्याण्डमा रहँदा नेपालले अगष्ट ७ मा त्यहाँको ए डिभिजन क्लवको टोलीसँग मैत्रीपूर्ण खेल खेल्नेछ भने अगष्ट १० मा थाइल्याण्डको राष्ट्रिय टोलीसँग अन्तर्राष्ट्रिय मैत्रीपूर्ण खेल खेल्नेछ ।
एसियन गेम अगष्ट १४ देखि सेप्टेम्बर १ सम्म इन्डोनेसियाको राजधानि जाकार्तामा हुदैछ । ग्रुप डीमा रहेको नेपालले जापान, भियतनाम र पाकिस्तानसँग भिड्नेछ ।
त्यस्तै, साफ च्याम्पियनसिप अन्तर्गत नेपालले सेप्टेम्बर ४ बाट बङ्गलादेशमा खेल्नेछ । सो प्रतियोगिताको समुह चरणमा नेपालले आयोजक बङ्गलादेश, पाकिस्तान र भुटानसँग भिड्नेछ ।
थाइल्याण्ड भ्रमणमा जाने नेपाली टोलीका सदस्यहरुमाः
गोलरक्षकः किरण चेम्जोङ, बिकेश कुथु, एलन न्यौपाने र सोजित गुरुङ
डिफेण्डरः कप्तान बिराज महर्जन, रविन श्रेष्ठ, गौरव बुढाथोकी, सुमन अर्याल, छिरिङ गुरुङ, आदित्य चौधरी, अनन्त तामाङ, देवेन्द्र तामाङ, दिनेश राजवंशी र कमल श्रेष्ठ
मिडफिल्डरः बिशाल राई, रोहित चन्द, सुजल श्रेष्ठ, हेमन गुरुङ, हेमन्त थापामगर, सन्तोष तामाङ, सुमन लामा र तेज तामाङ
स्ट्राइकरः भरत खवास, जर्जप्रिन्स कार्की, बिमल घर्तीमगर, अञ्जन विष्ट, नवयुग श्रेष्ठ, सुनील बल र अभिशेक रिजाल ।
Comments