काठमाडौं १७ असार । यसपटकको विश्वकप दाबेदार मानिएको स्पेनले आज अन्तिम १६ मा विश्वकप आयोज देश रसियासँग प्रतिश्प्रर्धा गर्दै छ । यस अघिका खेलहरुमा राम्रो खेल प्रदर्शन गर्न नसकेको स्पेनले आजको नकआउट चरणमा उत्कृष्ट प्रदर्शन गर्न नसके आफ्नो देश फिर्ता हुनु पर्ने छ । बिगतमा भएको खेलहरुलाई नियाल्ने हो भने यी दुई देशबीचको खेलमा स्पेनलाई रूसले पराजित गर्न सकेको छैन ।
स्पेन सन् २०१६ को यूरोकपबाट बाहिरिएको खेलपश्चात हालसम्मको खेलमा स्पेन अपराजित रहेको छ । अपराजित रहेको स्पेनले धेरै बराबरी खेल खेलेको छ । उसले ८ खेलमा तीन खेलमा मात्र जित निकालेको छ । उसको खेलेको खेलमा पछिल्लो सबैभन्दा सानदार जित अर्जेन्टिनाबिरुद्ध ६–१ को जित रहेको थियो । समुह बीमा रहेको स्पेनले जम्मा पाँच अंक बटुल्दै अन्तिम १६ को यात्रा तय गरेको थियो । यता रसियाले पनि आफ्नो बलियो खेल प्रदर्शन गरेको थियो ।
विश्वकप पुर्व कमजोर ठानिएको रुसले साउदी अरेबिया र इजिप्टमाथि बलियो जित दर्ता गरेको थियो । यसअघि नै इन्ज्यूरीका कारण रूसका प्रभावशाली खेलाडी जेगोएभ पनि विश्राममा रहेका छन् । अग्रपंक्तिमा अर्टेम ज्यूबाले उनको कमी पूर्ति गर्नेछ भने एलेक्जेन्डर गोलोभिन, मानुएल फर्नान्डेज र यूरी झिर्कोभ पनि स्पेनविरुद्ध तयार देखिएका छन् । अल्कान्तारा, बुस्केट्स, इनेस्टा सहित फरवार्डहरु इस्को, कोस्टा र सिल्भाको छोटो–छोटो पास र मुभलाई झेल्न रुसी गोलरक्षक इगोर अकिनफिभसहित डिफेन्डरहरु मानुएल, कुटेपोभ, इगनासेभिच र झिर्कोभलाई पक्कै पनि सहज हुनेछैन ।
गएको विश्वकपमा लिग चरणबाटै आउट भएको स्पेनलाई यो पटक विश्वकप जित्नै पर्ने दबाब रहेको छ । खेलाडीहरु पनि उच्च लयमा भएका कारण विश्वकप दाबेदार मानिएको फुटबल विश्लेषकहरु बताउँछन् । रसियाविरुद्धको खेलमा सहज जित निकाल्ने विश्लेषकहरु बताउँछन् ।
Comments